Posted by
ശേഷം
“അരുണേ ഞാൻ എന്തിനാ ഇങ്ങോട്ട് വിളിപ്പിച്ചേ എന്ന് അറിയാമോ.. ”
ചേച്ചി അരുണിനോട് ചോദിച്ചു…
“ഫോട്ടോ എടുക്കാനല്ലേ….”
എന്റെ മറുപടി കേട്ട് എല്ലാവരും ചിരിച്ചു…
എന്നാൽ ചേച്ചി കണ്ണുരുട്ടിയപ്പോൾ എല്ലാവരും ചിരി കടിച്ചു പിടിച്ചു…
ശേഷം ചേച്ചി….
“അല്ല…. എനിക്ക് നിങ്ങളോട് എല്ലാവരോടും കൂടി ഒരു കാര്യം പറയാനുണ്ട്…. ഞാൻ കേരളത്തിന്റെയും തമിഴ്നാടിന്റെയും ബോർഡറിലുള്ള ഹിൽ സൈഡിൽ ഒരു ബംഗ്ലാവ് വാങ്ങിയിട്ടുണ്ട് നമ്മുക്ക് കുറച്ചു ദിവസം അവിടേ പോയി നിന്നാലോ….. അതൊരു റിസോർട് ആക്കാൻ ഉള്ള സെറ്റപ്പിൽ ആണ് എന്നാലും അതിനു മുൻപ് നമ്മുക്ക് കുറച്ചു ദിവസം അവിടേ പോയി നിൽക്കാം…. എന്റെ കുറച്ച് ഫ്രണ്ട്സും ഉണ്ട് എന്നാലും എനിക്ക് നിങ്ങളുടെ സഹായവും കൂടേ വേണം….”
ചേച്ചി പറഞ്ഞു നിർത്തിയതും എല്ലാവരും നിശബ്ധമായി….
“എനിക്ക് സമ്മതമാണ്…..”
മായ അവളുടെ സമ്മതമറിയിച്ചു… പിന്നീട് ബാക്കിയുള്ളവരും അവരുടെ സമ്മതമറിയിച്ചു….
ചേച്ചി അരുണിന്റെ മറുപടിക്കായി കാതോർത്തു…
അവൻ സമ്മതിക്കാൻ ചാൻസ് ഉണ്ടാവില്ല കാരണം ലീവ് ഒന്നും കിട്ടിണ്ടാവില്ല….
അരുൺ മറുപടി പറയാതെ പോക്കറ്റിൽ നിന്നും ഫോൺ എടുത്ത് ആരെയോ കോൾ ചെയ്തു….
“ഹലോ സർ എനിക്ക് കുറച്ചു ദിവസത്തെ ലീവ് വേണം………………………..യെസ്.. സർ…. ഒക്കെ ഷുവർ സാർ….”
കൂടുതൽ നേരം സംസാരിക്കാതെ അവൻ പെട്ടെന്ന് തന്നെ ഫോൺ വെച്ചു…