Posted by
കുറച്ചു കഴിഞ്ഞ് അരുണും വന്നു അവൻ വന്നപ്പോൾ തന്നെ അവന്റെ ഒലിപ്പിക്കൽ തുടങ്ങി….
ഇപ്പോൾ എല്ലാവരും വീടിന്റെ പുറത്താണ് ചെറിയ ചെറിയ കളികളും ചിരികളും ഒക്കെയായി മൊത്തത്തിൽ ഒരു ഹാപ്പിനെസ്സ്… ഇതെന്നും ഇങ്ങനെ തന്നെ ഉണ്ടാവണേ എന്നായിരുന്നു എന്റെ മനസ്സിൽ…
പെട്ടെന്നാണ് ദയവു ചേച്ചി എന്തോ ഓർത്തിട്ടെന്ന പോലെ ഉള്ളിലേക്ക് ഓടിയത്…..
തിരിച്ചുവരുമ്പോൾ കയ്യിൽ ഒരു കുഞ്ഞു പെട്ടിയും ഒരു ക്യാമറയുമുണ്ടായിരുന്നു….
ചേച്ചി എല്ലാവരുടെയും മുന്നിൽ വച്ച് ആ കുഞ്ഞു പെട്ടി തുറന്നു… അതു തുറന്നപ്പോൾ അതിനുള്ളിൽ നിന്നും ഒരു ചെറിയ ചുവന്ന പ്രകാശം വന്നതുപോലെ തോന്നി എനിക്ക്…
ആ കുഞ്ഞു പെട്ടിയിൽ നിന്നും ചേച്ചി ഒരു ചെറിയ മാല കയ്യിലെടുത്തു…..
മാലയുടെ അറ്റത്ത് ചുവപ്പ് കളറിലുള്ള ഒരു വജ്രമുണ്ടായിരുന്നു….അത് ഞാൻ ഇതിനു മുൻപ് ചേച്ചിയുടെ റൂമിൽ വച്ചു തന്നെ കണ്ടിട്ടുണ്ട്…..
മനോഹരം എന്ന വാക്കിന് പോലും മനോഹാരിത നൽകുന്ന തരം ഒരു ദൃശ്യ വിസ്മയമായിരുന്നു ആ മാല….
എല്ലാവരുടെയും കണ്ണിൽ ഒരുതരം ആരാധന ഞാൻ കണ്ടു……
ശേഷം ചേച്ചി ആ കുഞ്ഞുമാല തുമ്പിയുടെ കഴുത്തിൽ ഇട്ടു കൊടുത്തു….
ആ വജ്രം അവൾക്കായി ഭൂമിയിൽ ഉണ്ടായത് പോലെയാണ് എനിക്ക് തോന്നിയത്….
“ഇതെന്താ സാധനം ചേച്ചി… എന്ത് ഭംഗിയാ ഇതു കാണാൻ…. ”
അത്ഭുതം നിറഞ്ഞ സ്വരത്തോടെ കല്ലു ചേച്ചിയോടായിയി ചോദിച്ചു….
“ചേച്ചി എനിക്കും ഇതുപോലൊന്ന് തരോ…..”