Posted by
“അല്ല… ഞാൻ പറയാം നീ വെറുതേ തോക്കിന്റെ ഉള്ളിൽ കയറി വെടി വെക്കല്ലേ…”
“സോറി… സോറി….നീ പറഞ്ഞോ….”
“””””പരമേശ്വരന്റെ കൈകൾ വിറക്കുന്നുണ്ടായിരുന്നു….. ഞാൻ മായയേ നോക്കി…, അവളുടെ കൈകളിൽ നിന്നും ചോര ധാര ധാരയായി ഒഴുകുന്നുണ്ടായിരുന്നെങ്കിലും അവളുടെ മുഖത്ത് ഒരു പ്രേത്യേകതരം പുഞ്ചിരിയായിരുന്നു…. നിന്റെ അടുത്തു നിന്നും ആദി അവളുടെ അടുത്തേക്ക് ഓടി വന്നു അവളുടെ മുടി കുത്തിനു പിടിച്ച് അവളെ പരമേശ്വരനിൽ നിന്നും അകറ്റാൻ ശ്രമിച്ചെങ്കിലും തൊട്ടടുത്ത നിമിഷം പരമേശ്വരന്റെ കയ്യിൽ നിന്നും കത്തി പിടിച്ചു വാങ്ങി മായ ആദിയുടെ കഴുത്തിൽ കുത്തിയിറക്കിയിരുന്നു….ചൂട് ചോര തെറിച്ച അവളുടെ മുഖത്ത് ഒരു തരം ലഹരിയായിരുന്നു… അതുപോലെ വളരെ ഭയാനകവും… എനിക്ക് നിന്റെ അടുത്തേക്ക് വരണമെന്നുണ്ടായിരുന്നെങ്കിലും എന്റെ ശരീരം ഒരു തരി പോലും അനങ്ങിയില്ല… ഞാൻ ചുവരിൽ ചാരി നിലത്തിരുന്നു… എന്റെ ജീവൻ പതിയേ പതിയേ നിലച്ചു പോവുന്നത് ഞാൻ മനസ്സിലാക്കി… അതേ ഉള്ളിൽ ഉള്ള എന്തോ പതിയേ എന്നേ വിട്ടു പോകുന്നപോലെയും…. ആദിയുടെ കഴുത്തിൽ കുത്തിയിറക്കിയ കത്തി മായ വലിച്ചൂരി…. ചോര തെറിക്കുന്ന കഴുത്തുമായി അവൻ നിലത്തിരുന്നു…. ഇതുകണ്ട അവളുടെ അച്ഛൻ ദേഷ്യത്താൽ വിറച്ചുകൊണ്ട് അവളുടെ അടുത്തേക്ക് ഓടി വന്നു… ശേഷം അവളുടെ കഴുത്തിൽപിടിച്ച് ചുമരിലിടിച്ചു… എന്നിട്ട് ഒരു ഡയലോഗും…”നീ ജനിച്ചപ്പോൾ തുടങ്ങിയതാ ഞങളുടെ കഷ്ട്ടകാലം ചാവ്…” സ്വന്തം മകളേ അയാൾ കഴുത്ത് ഞെരിച്ചു കൊല്ലാൻ ശ്രമിച്ചു…എന്നാൽ അയാൾക്കും കൂടുതൽ നേരം ആയുസ് ഉണ്ടായിരുന്നില്ല… തന്റെ കഴുത്തിൽ ഉണ്ടായിരുന്ന അയാളുടെ കൈ അവൾ ഞൊടിയിടയിൽ പിടിച്ചു ഓടിച്ചു…. വേദനകൊണ്ട് പുളഞ്ഞ അയാൾ പേടി കാരണം കുറച്ചു പിന്നോട്ട് മാറിയെങ്കിലും അപ്പോഴേക്കും അയാളുടെ ഹൃദയത്തിൽ ആ കത്തി കുത്തിയിറങ്ങി…. ഇതെല്ലാം കണ്ട് തരിച്ചു നിൽക്കുകയാണ് പരമേശ്വരൻ… അയാൾ അവളോട് ഒറ്റ ചോദ്യമായിരുന്നു ചോദിച്ചത്…. “നീയാരാണ്….?” അതിനു മറുപടി പോലും പറയാതെ മായ അയാളുടെ അടുത്തേക്ക് ചോര ഒലിച്ചിറങ്ങുന്ന കത്തിയുമായി നടന്നു….. അയാൾ പേടിച്ചോടുമെന്ന് വിചാരിച്ച എനിക്ക് തെറ്റു പറ്റി… അയാൾ ഒരു തരി പോലും അനങ്ങിയില്ല….കാരണം അയാളുടെ മരണം തടുക്കാൻ കഴയാത്തതായിരുന്നു……”””””