Posted by
ചെറുതായി റോൾ ചെയ്ത കൈത്തണ്ടയിൽ സിംപിൾ സിൽവർ വാച്ച്,
കാതിൽ ടൈനി ഹൂപ്പ്സ്.
മുടി ലൂസ് വേവ്സ് ആയി വിടർന്ന്,കാറ്റിൽ ഇളകി കണ്ണിന് അരികിൽ വീണപ്പോൾ
അവൾ തല ഒന്ന് തിരിച്ചു
ആ എഫ്ഫർട്ട്ലെസ് സ്റ്റൈൽ എന്റെ കണ്ണുകളേ പിടിച്ചിരുത്തി.
ഒരോ ചുവടും ഇറങ്ങുമ്പോൾ
ജീൻസിന്റെ മൃദുവായ ചലനവും
വെള്ള ടോപ്പിന്റെ ക്ലീൻ ഷൈനും
ലൈറ്റിൽ കൂടി വെളിച്ചം പിടിച്ചപ്പോൾ
ഞാൻ ചിന്തിച്ചു എന്തൊരു പെണ്ണാണിവൾ…
അവൾ നടന്നു എന്റെ അടുത്തേക്ക് വന്നതുപോലും ഞാൻ അറിഞ്ഞില്ല…
ഞാൻ സ്വബോധത്തിലേക്ക് വന്നത് അവൾ വന്നെന്റെ മുന്നിൽ ഒന്ന് വിരൽ ഞൊടിച്ചപ്പോഴാണ്….
“പോവാം… ”
അവൾ വശ്യമായി ചിരിച്ചുകൊണ്ട് പറഞ്ഞു… ശേഷം എന്റെ കയ്യിലൂടെ കൈ കോർത്തു പിടിച്ചു…..
“നിക്ക് പോവാൻ വരട്ടെ…. ”
ഞങ്ങൾ പോവാൻ തുടങ്ങിയപ്പോഴാണ് ദേവു ചേച്ചിയുടെ മറുപടിയെത്തിയത്..
ഞങ്ങൾ എല്ലാവരും ചേച്ചിയേ ഒരുപോലെ നോക്കി…
“കല്ലു എന്റൊപ്പമൊന്ന് വാ…”
അതും പറഞ്ഞു ചേച്ചി ചേച്ചിയുടെ മുറിയിലേക്ക് നടന്നു…
കല്ലുവിനേയാണ് വിളിച്ചതെങ്കിലും ഒരു നാണവും മാനവുമില്ലാതെ ഞങ്ങൾ എല്ലാവരും ചേച്ചിയുടെ പിന്നാലേ നടന്നു…
ചേച്ചിയുടെ റൂമിലെത്തിയതും കല്ല്യാണിയുടെ വാ അറിയാതെ തന്നേ തുറന്നു പോയി….
അവളേ കുറ്റം പറഞ്ഞിട്ടും കാര്യമില്ല… ആദ്യമായി കാണുന്ന ആർക്കും സംഭവിക്കാവുന്ന കാര്യമാണത്….
ഞങ്ങൾക്ക് പിന്നേ അതൊക്കെ കണ്ട് ശീലമായതുകൊണ്ട് പിന്നേ കുഴപ്പമില്ല…