Posted by
കാറിന്റെ കീയുമെടുത്ത് ഞാൻ താഴോട്ട് ചെന്നു….
കല്ലുവും ചേച്ചിമാരും താഴെത്തന്നെ ഉണ്ട്…. ടീവിയും തുറന്ന് വച്ച് തള്ളി മരിക്കുകയാണ് എല്ലാവരും…
“നീയെങ്ങോട്ടാ….? ”
എന്നേ കണ്ടതും നന്ദു ചേച്ചി ചോദിച്ചു….
“ഞാൻ ഫ്രണ്ട്സിന് ചിലവ് കൊടുക്കാൻ പോവാണ്… കല്ല്യാണം കഴിഞ്ഞ് ഇത്രയും ആയില്ലേ…”
മറുപടി കേട്ടതും ചേച്ചി ശരി എന്ന മട്ടിൽ തലയാട്ടി….
“അങ്ങനെയാണെങ്കിൽ ഇവളെക്കൂടെ കൊണ്ടുപൊക്കോ….”
കാർത്തു ചേച്ചി കല്ല്യാണിയേ നോക്കി പറഞ്ഞു…
“നിനക്ക് വരണോ….”
എന്റെ മുഖത്തേക്ക് തന്നെ നോക്കി ഇരിക്കുന്ന കല്ല്യാണിയേ നോക്കി ഞാൻ ചോദിച്ചു….
കേൾക്കേണ്ട താമസമേ ഉണ്ടായിരുന്നുള്ളു… ഇരുന്ന ഇരുപ്പിൽ അവൾ റൂമിലേക്കോടി….
ഏകദേശം പത്തു മിനിറ്റ് കഴിഞ്ഞു അവൾ റെഡിയാവാൻ പോയിട്ട്….
പുല്ല് ചോദിക്കണ്ടായിരുന്നു…
ഞാൻ ദേഷ്യത്തോടെ കർത്തുചേച്ചിയെ നോക്കി…
“എടാ..പത്തു മിനിറ്റ് ഒക്കെ കുറവാടാ…. നീ ഒന്ന് ക്ഷമിക്ക്…”
ചേച്ചി കളിയാക്കുന്ന മട്ടിൽ എന്നോട് പറഞ്ഞു…
അങ്ങനെ കാത്തിരിപ്പിനൊടുവിൽ കല്ലു സ്റ്റൈർകേസ് ഇറങ്ങി വന്നു….
😳
എന്റെയും ചേച്ചിമാരുടെയും കണ്ണുകൾ ഒരു പോലേ തുറിച്ചു…
സ്റ്റൈർകേസിന്റെ മുകളിലെ ലൈറ്റ് അവളെ ചുറ്റി ഒരു മൃദുവായ ഹാലോ പോലെ വീണു.
ഹൈ-വൈസ്റ്റ്, കാൽവരെയുള്ള പെർഫെക്ട് കട്ട് ഫിറ്റഡ് ലൈറ്റ് ബ്ലൂ ഡെനിം ജീൻസുംഅതിനൊപ്പം ക്രിസ്പ് വൈറ്റ് സ്ക്വയർ കട്ട് നെക്ക് കോട്ടൺ ടോപ്പും ഒപ്പം തോളിൽ ചെറിയ റഫിൾ സ്ലീവ് അലങ്കാരം.