Posted by കുറേ നേരത്തിനു മുൻപ് അഞ്ജുവിന്റെ മുറിയുടെ താഴെ ഉള്ള മുറിയിൽ…
ഹരി ഓട്ടോ ഓടിച്ചു വരുന്നതും, അവന്റെ വണ്ടിയിൽ കയറുന്നതും, പരിചയപ്പെടുന്നതും, അവന്റെ വണ്ടിയിൽ വീണ്ടും കയറുന്നതും പിന്നീട് അവനോട് ഇഷ്ടത്തിൽ ആവുന്നതും വരെ രെഞ്ചു മനസ്സിൽ ആലോചിച്ചു.
” ഞാൻ ഇതെന്താ ഈ ആലോചിച്ചു കൂട്ടുന്നത്. എന്റെ അഞ്ജുവിന്റെ ഭർത്താവ്, എന്റെ പെങ്ങളുടെ ഭർത്താവ് ആണ് അവൻ “… രെഞ്ചു സ്വയം ദേഷ്യപ്പെട്ടു.
” ശെടോ… ഇത് വല്ലാത്ത കഷ്ടം ആയല്ലോ. ദേ വീണ്ടും അത് തന്നെ ഓർക്കുന്നു ഞാൻ “… രെഞ്ചു സ്വയം പറഞ്ഞു.
” അല്ല, സുനിയുടെ സ്ഥാനത്ത്, ഹരി ആയിരുന്നെങ്കിൽ, അമ്മ വീട്ടിൽ കയറ്റുമായിരുന്നോ?”.. സ്വയം ചോദിച്ചു.
ഉത്തരവും സ്വയം തന്നെ പറഞ്ഞു രെഞ്ചു ” എന്താ സംശയിക്കാൻ ഉള്ളത്. ഉറപ്പായും കയറ്റിയേനെ. കാണാൻ സുന്ദരൻ. സംസാരം തന്നെ എന്ത് രസമാ. പിന്നെ അവന്റെ കെയറിങ്ങും, ഒന്നും അങ്ങോട്ട് പറയേണ്ട ആവശ്യം ഇല്ല. എല്ലാം കണ്ട് അറിഞ്ഞു ചെയ്യും. തനിക്കും സുരഭിക്കും ഉടുക്കാൻ അധികം വസ്ത്രങ്ങൾ ഇല്ല എന്ന് കണ്ട് മനസ്സിലാക്കി അവൻ വാങ്ങി തന്നത്”.
രെഞ്ചു മനപ്പൂർവം അല്ലെങ്കിൽ കൂടെ, സുനിയുടെ സ്ഥാനത്ത്, തന്റെ ഭർത്താവായി ഹരി ആയിരുന്നെങ്കിൽ തന്റെ ജീവിതത്തിൽ എന്തെല്ലാം മാറ്റങ്ങൾ ഉണ്ടാവാം എന്ന് ചിന്തിച്ചു കൂട്ടാൻ തുടങ്ങി മനസ്സിൽ..
മനസ്സ് ചെന്നെത്തിയതോ, ഹരി ലീവിൽ ഉള്ളപ്പോൾ നടന്ന ഒരു സംഭവത്തിലും
സുലോചനയുടെ വാണിംഗ് രഞ്ജുവിന് ഉണ്ടായിരുന്നു, ഹരിയും അഞ്ജുവും റൂമിൽ ഉള്ളപ്പോൾ മുകളിലെ നിലയിലേക്ക് പിള്ളേരെ ഒരു കാരണ വശാലും കയറ്റി വിടരുത് എന്ന്.