Posted by ഹരി : ആരോടെങ്കിലും ഒക്കെ ഉള്ളിലെ സങ്കടം പറഞ്ഞാലേ, മനസ്സ് ശാന്തം ആവുള്ളു പെണ്ണെ. എനിക്ക് ആ കാലത്ത്, ദൈവം തുണച്ച് നിന്നെ കിട്ടി.
അഞ്ചുവിന് മനസ്സിൽ ഒരുപാട് സന്തോഷം തോന്നി.
അഞ്ചു :ദൈവം നിന്നെ അല്ലേടാ എനിക്ക് തന്നത് കള്ള ചെക്കാ..
ഹരി : നാളത്തോടെ കഴിഞ്ഞില്ലേ,,, 😜😜😜
അഞ്ചു : ഇന്ന് അവസാനിച്ചു. 😜… നാളെ മുതൽ നോക്കാം. ഇന്ന് ലേറ്റ് ആയില്ലേ..
ഹരി : ആയിക്കോട്ടെ… പിന്നെ ചേച്ചിയോട് നിനക്ക് സംസാരിക്കാൻ പറ്റുമെങ്കിൽ സംസാരിച്ചോ. ഞാൻ തന്നെ വേണം എന്നില്ല.
അഞ്ചു : ഞാനും അമ്മയും ഒരുപാട് ശ്രമിച്ചതാ ഹരീ. ഹരിയോട് എല്ലാം തുറന്ന് സംസാരിക്കുന്നുണ്ടെങ്കിൽ ഹരി സംസാരിക്ക്. എനിക്ക് എന്ത് തോന്നാൻ ആണ്.
ഹരി : മ്മ്മ്… ട്രൈ ചെയ്യുന്നുണ്ട് ഞാൻ..
അഞ്ചു ആലോചിച്ച ശേഷം : എന്തായാലും മാറ്റങ്ങൾ കാണാൻ ഉണ്ട് ചേച്ചിയിൽ. അവൾ ആ പഴയ രെഞ്ചു ആവാൻ കാത്തിരിക്കാ ഹരീ ഞങ്ങൾ. അതിന് ഹരിക്ക് പറ്റും എങ്കിൽ, പ്ലീസ് നീ ഒന്ന് ശരിക്ക് ശ്രമിക്ക്.
ഹരി : മ്മ്മ്.. നോക്കാം..
അഞ്ചു : പിന്നേ, ബെന്നി ചേട്ടൻ വരുമ്പോൾ എന്താ കൊണ്ട് വരേണ്ടത് ചോദിച്ചു. എന്താണ് എന്ന് വച്ചാൽ പറഞ്ഞാൽ മതി എന്നാ പറഞ്ഞത് 😜😜
ഹരി : 😀😀😀.. ഞാൻ കുറച്ച് സാധനങ്ങൾ കൊടുത്തു വിടുന്നുണ്ട് എന്തായാലും.
അഞ്ചു : അയ്യോ,, അപ്പോൾ വീട്ടിൽ വരില്ലേ.
ഹരി : ഇല്ല, മൂപ്പർ ഈ സംസാരിക്കുന്ന ആൾ ഒന്നും അല്ല. നിന്നെ പരിചയപ്പെടുമ്പോൾ ഞാൻ എത്ര ഇൻട്രോവെർട്ട് ആയിരുന്നോ, അതിന്റെ പത്തിരട്ടി ആണ്… 😀😀😀
ഹരി : ചേച്ചി കോഴിക്കോട് ഇറങ്ങുന്നത് കൊണ്ട് മൂപ്പരും കോഴിക്കോട്ടേക്കാണ് ടിക്കറ്റ്. സിസ്റ്ററേയും കൂട്ടി എറണാകുളം പോവും. അവിടെ എന്തോ പരുപാടി ഉണ്ട് സിസ്റ്ററിന്. പോവുന്ന വഴി എവിടെങ്കിലും കൊടുക്കാം എന്നാ പറഞ്ഞത്.