Posted by
ഫോണിൽ തൊണ്ടാൻ ഏറ്റവും നല്ല പശ്ചാത്തലം എന്തിനോ വേണ്ടി തിളയ്ക്കുന്ന സാമ്പാർ പോലെ ആർക്കോ വേണ്ടി പ്രവർത്തിക്കുന്ന ടിവിയുടെ ഒപ്പമാണ്.. ഞാൻ ഓണാക്കി എന്ന ഒറ്റ കാരണത്താൽ പ്രവർത്തിക്കേണ്ടി വന്ന അതിനെ ഓർത്ത് എനിക്ക് വിഷമം ഉണ്ടെങ്കിലും ആവിശ്യം നമ്മുടെ ആയിപോയില്ലേ യേത്… ഫോൺ ഓണാക്കി നോക്കുമ്പോൾ അമ്മയുടെ രണ്ട് മിസ്ഡ് കോളുണ്ട് പക്ഷെ തിരിച്ച് വിളിക്കാൻ എനിക്ക് തോന്നിയില്ല ഒന്നും ഇല്ലെങ്കിലും എന്നെ ഇന്ന് ഊമ്പിച്ചത് അല്ലെ…. ! വീണ്ടും നോക്കിയപ്പോൾ വാട്സാപ്പിൽ അത്ര പരിചിതം അല്ലാത്ത ഒരു നമ്പറിൽ നിന്നും ഒരു മെസ്സേജ് വന്ന് കിടപ്പുണ്ട്.. എടുത്ത് നോക്കിയപ്പോൾ
“നീ വീട്ടിൽ എത്തിയോ..??” എന്ന ഒരു മെസേജ് ആയിരിന്നു അത്. വാട്സാപ്പ് ഡിപി കണ്ടതും ആളെ എനിക്ക് പിടികിട്ടി വേറെ ആര് ഡെയ്സി ഫിലിപ്പ് തന്നെ.. കുറച്ച് മുൻപേ അയച്ച മെസ്സേജ് ആയിരിന്നു…
“കുറച്ച് മുൻപ് തന്നെ എത്തി..” ഞാൻ അതിന് മറുപടി അയച്ചു.. ആൾ ഓൺലൈനിൽ ഇല്ലാത്തത് കൊണ്ട് തന്നെ ഞാൻ പിന്നെ അതിൻ്റെ പുറകെ പോയില്ല… ക്ഷമ ആട്ടിൻ സൂപ്പിൻ്റെ ഫലം ചെയ്യുമെന്നല്ലെ പ്രമാണം.. അതുകൊണ്ട് തന്ന് വേറെ പണി ഒന്നും ഇല്ലാത്തത് കൊണ്ട് ഞാൻ തൊഴിൽരഹിതരാൽ സമ്പന്നമായ ഇൻസ്റ്റാഗ്രാം ഓപ്പൺ ചെയ്തു റീലും കണ്ടുകൊണ്ട് ഇരുന്നു.. ഇടക്ക് ടിവി നോക്കാനും മറന്നില്ല എന്നത് വേറെ ഒരു വസ്തുത… കുറച്ച് നേരം കഴിഞ്ഞതും വീടിനുള്ളിൽ കിളിയുടെ അമറൽ മുഴങ്ങി കേട്ടു..
‘ ഇതാരപ്പാ.. ഇപ്പൊ ഇവിടെ വരാൻ..’ എന്ന് മനസ്സിൽ പിറു പിറുത്തുകൊണ്ട് ഞാൻ വാതിൽ തുറക്കാനായി പോയി…