ബംഗ്ലാവ് [ആദി]

അവളും ചേട്ടനെ കണ്ടു. പുഞ്ചിരിയോടെ സൈഡൊതുങ്ങി നിന്നു. ഭാരം കൂടിയ മനസ്സോടെയാണവൻ അവളെ മറികടന്ന് ഉള്ളിലേക്ക് കയറിയത്. അമ്മ അടുക്കളയിലാണെന്ന് തോന്നുന്നു. തട്ടലും മുട്ടലും കേൾക്കുന്നുണ്ട്. സ്വന്തം മുറിയിലേക്ക് കയറാൻ തുടങ്ങിയ അവൻ തിരിഞ്ഞ് വീണ്ടും ശാലിനിയെ നോക്കി ഉള്ളിലെ വിങ്ങൽ കണ്ണുകളിൽ ഊറി വന്നതും കാലുകൾ അവനെ അനിയത്തിയുടെ അടുത്തേക്ക് തന്നെ നയിച്ചു. അടുത്തെത്തിയതും രണ്ടു കവിളും കൈകളിലെടുത്തു. കുനിഞ്ഞ് നെറ്റിയിൽ ചുണ്ടമർത്തി

“ശാലൂ. നീ എന്റെ അനിയത്തിയാണ്. എന്റെ മാത്രം അനിയത്തി. ‘

അവൾ വാ പൊളിച്ചുപോയി!. ആ നിമിഷം തന്നെ അവളുടെ കവിളിലും അവൻ ചുംബിച്ചു. കള്ളു. കുടിച്ചത് കൂടിയതായിരിക്കും! അവൾക്ക് ചിരിവന്നുപോയി എങ്കിലും, ചേട്ടന് തന്നോട് സ്നേഹം കൂടുമ്പോഴാണ് ഉമ്മ വെയ്ക്കാറുള്ളതെന്ന് അവൾക്കറിയാമായിരുന്നു. ഇപ്പോൾ എന്തു ചോദിച്ചാലും തരും. പാവാടയും ബ്ലൗസുമിട്ട താൻ പുറത്തു പോകുന്നത് ചേട്ടനു കണ്ടുകൂട..! ഇതുതന്നെയാണ് അവസരം, തന്നിൽ നിന്നകന്ന് മുറിയിലേക്ക് കയറാനൊരുങ്ങിയ ചേട്ടന്റെ കയ്യിലവൾ പിടിച്ചു.

“എങ്കിൽ ചേട്ടന്നെനിക്ക് വില കുറഞ്ഞ രണ്ട് ചുരിദാർ വാങ്ങിച്ചു തന്നേക്ക്.വീട്ടിലിടാൻ പറ്റിയത്. ദാവണിയൊക്കെ പഴഞ്ചൻ ഏർപ്പാടാ ചേട്ടാ…’

“കാശാവട്ടെട”.

അവനവളുടെ കൈ വിടുവിച്ചു. “ഓ. ചേട്ടനു കള്ള് കുടിക്കാനൊക്കെ കാശുണ്ടല്ലോ. ഇപ്പോഴും നല്ല മണം’

അതിനവൻ മറുപടി പറഞ്ഞില്ല. റൂമിലേക്ക് കയറി അലമാര തുറന്നു. ഫരീദ തന്നെ പണത്തിന്റെ പൊതിയഴിച്ചു. ആയിരത്തിന്റെ രണ്ട് നോട്ടെടുത്ത് ശാലിനിയുടെ അടുത്തെത്തി. അതവൻ അവളുടെ നേർക്ക് നീട്ടി