ബംഗ്ലാവ് [ആദി]

“അനക്ക് പൂതിയെളകിയോ? അയിനാണോ ഇത്ര തെരക്ക്? “അയാൾ വിശാലമായൊന്നു ചിരിച്ചു.

അഡ്മിഷൻ തരപ്പെടുത്താനും സീനിയർ വിദ്യാർത്ഥികളുടെ റാഗിങ്ങിൽ നിന്നും രക്ഷനേടാനും നാലഞ്ച് കിടക്കറികൾ കാണേണ്ടി വന്നു. ഇനിയും കാണേണ്ടിവരും. അതിലൊന്നു മാത്രം ഇത്. അത്രയേ അനില കരുതുന്നുള്ള. അതിനു ഔചിത്യം നോക്കേണ്ട, വിദേയത്വം വേണ്ട, പരസ്പര സഹകരണം മാത്രം മതി. എത്രയും വേഗം ദേഹത്തൊട്ടിയ ചുമട് മാറ്റുക, വിയർപ്പും അഴുക്കും കഴുകി വ്യത്തിയാക്കുക.! ഏതെങ്കിലും വടക്കേ അമേരിക്കൻ രാജ്യത്ത് ജോലി ശരിയാകും വരെ ഈ ശരീരം കൊണ്ട് നേടാവുന്നത്ര നേടുക, അതിനു മാനം നോക്കേണ്ട ആവശ്യമില്ല മാനക്കേട് പണം മാറ്റിക്കോളും. എന്നാൽ കസ്റ്റമേറെ അതൃപ്തിപ്പെടുത്താനും പാടില്ല. ചിന്ത അത്രയുമായപ്പോൾ അവൾ മുഖമുയർത്തി

അയാളെ നോക്കി വശ്യമായ മന്ദഹാസം ചൂണ്ടിൽ വിരിഞ്ഞു. കണ്ണുകളിൽ ലജ്ജ കുടിയേറി.

“തിരക്കല്ല ഇക്കാ. ഇക്കയുടെ റും കാണാനൊരു ജിജ്ഞാസ. ഇനിയും വരേണ്ടി വന്നാലോ? “അവൾ പുഞ്ചിരിച്ചു.

“അമ്പടി കേമീ.” അയാളുടെ മുഖം തെളിഞ്ഞു. “അനക്ക് ബുദ്ധിയുണ്ട് ബാ..”

അനിലയുടെ കരം കവർന്ന്, അയാൾ ബെഡ്റൂമിലേക്ക് കയറിച്ചെന്നു. പിന്നിൽ വാതിലടഞ്ഞത് അവൾ അറിഞ്ഞു. യാതൊരു പരിഭ്രമവുമില്ലാതെ അവൾ ബെഡ്ഡിൽ ചെന്നിരുന്നു. എയർ കണ്ടിഷണറൊഴിച്ച് ബാക്കിയെല്ലാ സൗകര്യവും ആ മുറിയിൽ അവൾ കണ്ടു നല്ല കായൽ കാറ്റു വീശുമ്പോൾ എന്തിനാണ് ഏസി?.

അയാൾ തിടുക്കമേതുമില്ലാതെ നടന്നു ചെന്ന്, ഭിത്തിയലമാര തുറന്ന് ഒരു കഞ്ചാവ് പൊതിയെടുത്തു. അത് കയ്യിലിട്ട് ഞെരടിയെടുത്ത് പുകയിലയും കൂട്ടി ഹുക്കയിലിട്ടു.