Posted by
✨✨✨✨✨✨✨✨✨✨✨✨✨✨✨✨✨
കാർ ഞാൻ കുറച്ചപ്പുറം മാറ്റിയിട്ട്, പതിയെ ലോക്ക് ആക്കി കവറുമായി അവളുടെ വീട്ടിലേക്ക് നടന്നു,
ചെറിയ ഇടുങ്ങിയ റോഡിലൂടെയുള്ള ആ ടാർ റോഡിന്റെ ഓരത്തായാണവളുടെ വീട്.
ഞാൻ ചുറ്റും ഇടക്കിടെ നോക്കികൊണ്ടേയിരുന്നു, ആരേലും കണ്ട് വന്നാ തീരുമാനമായി ന്റെ കാര്യം..
കല്യാണത്തിന് മുന്നേ റിഹേഴ്സൽ എടുക്കാൻ വന്നതാണന്നല്ലേ ആളൊള് പറയു…കൂടെ പടത്തിന്റെ റിലീസ്സും ഉണ്ടാവും..
ഞാൻ പതിയെ ആ ചെറിയ ഗേറ്റ് താഴെ നിന്നും മുകളിലേക്ക് അല്പം ഉയർത്തി തുറന്നു. ഇല്ലേ തുറക്കുന്ന ശബ്ദം കേട്ട് പണി കിട്ടിയാലോ..
ഞനൊരു കള്ളന്റെ ഭാവത്തിൽ ചുറ്റും നോക്കി, അവളുടെ മുറിയുടെ വക്കിൽ എത്തിയതും,
ഞനാ ജനലിൽ പതിയെ തട്ടി
“”സ്റ്റെഫി…. ടി… തൊറക്ക്..”” ഞാനോരു രണ്ട് കൊട്ട് ജനലിൽ കൊട്ടിയതും അവളുടനെ ജനൽ തുറന്ന് മുഖം ജനലിനോട്‌ ചേർത്തു വെച്ചു.
“” നിനക്കിച്ചിരി കൂടണ്ണ്ട് പെണ്ണെ…പോകെ പോകെ പിടിവാശി ചെറുതോന്നുവല്ല നിനക്ക്….””
അവളുടെ മുഖം ഇരുട്ടിൽ തെളിഞ്ഞതും ഞാൻ മറുപുറം നിന്ന് മുരണ്ടു.അതിനവളൊന്ന് ഇളിച്ചു കാട്ടി, ജനലിന്റെ കമ്പിയിൽ നഖം കൊണ്ടെന്തൊക്കെയോ കാണിച്ചുകൊണ്ടിരുന്നു.
“” പ്രൈമെറ് വേണ്ടി വരോ…?? അതോ പേപ്പറ് പിടിക്കണ.. “”
ആ കമ്പിയിലെ തുരുമ്പ് മുഴുവനായും പൊളിച്ചു കളയുന്നത് കണ്ടു ഞാൻ നോട്ടം വിടാതെ ചോദിച്ചതും അവളതിൽ നിന്ന് കയ്യെടുത്തു.