Posted by എല്ലാം നോക്കി കണ്ടു രണ്ടു മണി വരെ ഞാൻ അവിടെ നിന്നു.ലഞ്ച് ബ്രേക്ക്‌ ആയെങ്കിലും ചേച്ചി വിളിക്കട്ടെ എന്നോർത്തു ഞാൻ ഇരുന്നു. അവൾക്കു മെസ്സേജും ഇട്ടിരുന്നു.
പിന്നെ ചേച്ചിയെ വിളിച്ചു.
പക്ഷെ ഫോൺ എടുത്തത് വേറെ ഒരു പെൺകുട്ടി ആണ്.
അവൾ ഓപ്പറേഷൻ തിയേറ്ററിൽ ആണെന്നും ഞാൻ വിളിക്കുമ്പോൾ ഫോൺ എടുത്ത് 3 മണി ആകും ഇറങ്ങാൻ എന്നും അതുപോലെ ഞാൻ വരുമ്പോൾ എന്നെ ഇവിടെയെല്ലാം കാണിച്ചു കൊടുക്കണം എന്നും എല്ലാം പറഞ്ഞു ഏൽപ്പിച്ച ഒരു ഫ്രണ്ട് ആണ് ഇപ്പോൾ എടുത്തു സംസാരിക്കുന്നത്.
“അത് സാരമില്ല. ഞാൻ പുറത്തുനിന്നു കഴിച്ചോളാം. ചേച്ചിയെ ഇവിടെ വന്നപ്പോൾ കണ്ടിട്ട് പോകാം എന്ന് വിചാരിച്ചു വിളിച്ചതാ.” ഞാൻ അവളോട്‌ പറഞ്ഞൂ.
“അഭിനവ് എന്നാൽ ഒന്ന് ബി ബ്ലോക്കിലേക്ക് വരുമോ. എന്റെ ഡ്യൂട്ടി കഴിഞ്ഞത് ആണ്. ഞാൻ താൻ വരാൻ വേണ്ടി വെയിറ്റ് ചെയ്തതാണ്.ചേച്ചി പറഞ്ഞു ആളെ എനിക്ക് അറിയാം .പിന്നെ അപ്പോൾ നേരിട്ടും പരിചയപെട്ടേക്കാം ഇപ്പോൾ.” അവൾ പറഞ്ഞു
ഇവൾക്ക് ഇവിടെ ഇത് തന്നെ ആണോ പണി. എന്നെ കുറിച്ച് എന്താ അവൾക്കു ഇത്ര മാത്രം എല്ലാരോടും പറയാൻ.
“ഞാൻ വരാം” ഞാൻ അവളോട്‌ വരാമെന്നു പറഞ്ഞൂ ഫോൺ വെച്ചു.
ഒരു 200 മീറ്റർ ദൂരം ഉണ്ട് ബി ബ്ലോക്കിൽ എത്തുവാൻ. അവിടെ എത്തിയപ്പോൾ ഞാൻ വീണ്ടും ഫോൺ വിളിച്ചു.
ഫോൺ എടുത്തുകൊണ്ടു ഒരു പെൺകുട്ടി എന്നെ വിളിക്കുവാൻ പുറത്തേക്കു വന്നു.
“ഹലോ അഭിനവ് അല്ലേ. ഐ ആം നവ്യ”
അവൾ എനിക്ക് കൈ തന്നു.
എന്റെ പ്രായം തന്നെ ആയിരിക്കണം അവളും . ഞാൻ എന്തായാലും നവ്യ എന്ന് തന്നെ വിളിച്ചു.