Posted by “ഇയാളോട് ഞാനിത് എങ്ങന്യാ പറയുക…”
“വായും കൊണ്ട്….. മര്യാദക്ക് കാര്യം പറ…”
“അത് മീനാക്ഷി ചേച്ചിയിന്ന് കുറച്ചു തവണ ശർദിച്ചു…”
“നിന്റെ കപ്പളങ്ങാ തോരൻ കൂട്ടിയിട്ടാവും….”
“ദേ ശ്രീ…. എന്നെ കൊണ്ട് താൻ വെറുതെ….”
അവൾ പല്ലുകൾ കടിച്ച് അവിടെ നിന്നു തുള്ളി…
“സോറി… നീ കാര്യം പറ… എന്തിനാ മീനാക്ഷി ശർദിച്ചേ…. എന്തേലും വൈയായ്ക ഉണ്ടോ….”
“അത് ചേച്ചിക്ക്….. മാസമുറയും തെറ്റി ഇരിക്കുവാ…. അതു കൊണ്ടൊരു സംശയം…”
“എന്ത് സംശയം….”
അവളുടെ മറുപടി എന്താവുമെന്ന് ഊഹിച്ചു നോക്കിയപ്പോൾ തന്നെ എന്റെ കൈ കാലുകൾ വിറയ്ക്കാൻ തുടങ്ങി…. അല്ല… ഞാനെന്തിനാ വിറക്കുന്നെ… സുധി അല്ലേ വിറക്കേണ്ടേ…
“ഇയാൾ പൊട്ടനാണോ…”
“പൊട്ടൻ നിന്റച്ഛൻ….”
“ദേ ശ്രീ…..”
“നീ പറയാൻ വന്നത് പറ….”
“ചേച്ചി ഗർഭിണിയാണോ എന്നൊരു സംശയം….”
“എന്റമ്മേ……”
ഞാൻ തലയ്ക്കു കൈയും കൊടുത്ത് ചുറ്റുമതിലിന്റെ പുറത്തേക്ക് അമർന്നു…. എന്റെ പ്രവർത്തികൾ കണ്ടപ്പോൾ കുറച്ചു മാറിയിരുന്ന മീനാക്ഷി കരയാൻ തുടങ്ങി…
“ഇതാണ് പ്രശ്നം…. ഒരു സാദ്ധ്യത മാത്രമാണ്… പക്ഷെയിനി അങ്ങനെ വെല്ലോം ആയാൽ എന്ത് ചേയ്യുമെന്നോർത്താ ഒരു പേടി…”
“ഹമ്മോ….”
ഞാൻ കുറച്ചധികം വായു അന്തരീക്ഷത്തിൽ നിന്നുമെടുത്തു വിഴുങ്ങി, മൂക്കിലൂടെ പുറത്തേക്കു വിട്ടു…
“ഇതിന് ഇയാളെന്തിനാ ഇത്ര വേവലാതി പെടുന്നത്… ഇയാളുടെ കുഞ്ഞൊന്നുമല്ലല്ലോ….”
“ആരുനെങ്കിൽ എനിക്കിത്ത്ര ടെൻഷൻ ആവില്ലാരുന്നു…. ഇതിപ്പോൾ വീട്ടിലോ നാട്ടിലോ അറിഞ്ഞാൽ…”