Posted by ” ഞാൻ… ഞാൻ എന്തെങ്കിലും ഉണ്ടെങ്കിൽ അറിയിക്കാം.. സ്വാമി…!!
അവൻ ഉറപ്പ് നൽകിയതിനു പുറമെ ശിവയെ ഒന്ന് കൂടി തിരിഞ്ഞു നോക്കിയ ശേഷം സ്വാമി പുറത്തേക്ക് നടന്നു.
മനില സിറ്റിയെ ഇരുട്ടിലേക്ക് ആഴ്ത്തി കൊണ്ട് നിശക്ക് സ്വാഗതം നല്കി സൂര്യൻ ആഴ കടലിലേക്ക് മാഞ്ഞു….
ദിവസങ്ങൾ പിന്നെയും മുന്നോട്ട് ഓടിക്കൊണ്ടിരുന്നു ഓഫീസിലെ ഒരു തിരക്കുപിടിച്ച ദിവസത്തിലായിരുന്നു സ്റ്റെല്ല അന്ന്…
ഉച്ചയോട് കൂടി ഇമ്പോര്ടന്റ്റ്‌ മീറ്റിംഗ് എല്ലാം പൂർത്തിയായിരുന്നു..
ലഞ്ച് ബ്രേക്ക് ടൈം പൂർത്തിയാക്കി തിരികെ കയറാനുള്ള തയ്യാറെടുപ്പിലായിരുന്നു അപ്പോൾ അവൾ..
ഇടയ്ക്കെപ്പോഴാ ഫോൺ എടുത്തു നോക്കിയപ്പോഴാണ് അപ്രതീക്ഷിതമായി ഫോണിലേക്ക് വന്ന ശിവയുടെ മെസ്സേജ് അവൾ കാണുന്നത്…
‘ യൂ ലുക്ക് ബ്യൂട്ടിഫുൾ ഇൻ സാരി ‘
മെസ്സേജ് അയച്ച ആൾ തൊട്ടടുത്ത് തന്നെ ഉണ്ട് എന്ന് പറയാതെ പറയും പോലെ…!!!
കോർപേറെറ്റിലെ ഒഴിച്ചു കൂടാനാവാത്ത ഒന്നായ ‘ എത്ത്നിക് ഡേ ‘ അന്നെ ദിവസം കമ്പനി ആഘോഷിക്കുന്നതിനാൽ
ആകാശ നീല കളർ സാരിയിലും അതിനൊപ്പം വെള്ള ബ്ലൗസിലും കൂടി അതിസുന്ദരിയായി അണിഞ്ഞൊരുങ്ങിയായിരുന്നു സ്റ്റെല്ല ഓഫീസിൽ വന്നിരുന്നത്…!!
വെളുത്ത ചുവന്ന കഴുത്തിൽ മുത്തുമാലയും അതിനു മാച്ചിങ് ആയിട്ടുള്ള ജിമിക്കി കമ്മലും
അവളെ ആരും കൊതിക്കുന്ന പെണ്ണ് ആക്കി മാറ്റിയിരുന്നു.. !!
മെസ്സേജ് കണ്ട ഉടനെ ചെറിയ ഞെട്ടലോടെ അവൾ ചുറ്റുപാടും നോക്കി എന്നാൽ ആരെയും അവൾക്ക് അവിടെ കാണാൻ പറ്റിയില്ല…
അവൾ കഫ്റ്റീരിയയിൽ നിന്നും വേഗം എഴുന്നേറ്റ് പുറത്തേക്ക് നടന്നു. അവളുടെ വർക്കിങ് ഫ്ലോറിലേക്ക് പോകാൻ ആയി ലിഫ്റ്റിലേക്ക് കയറി..