🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

മോനുവിനെ കൂട്ടത്തിൽ ആര് കളിയാക്കിയാലും അവന് എന്ത് വിഷമം ഉണ്ടെങ്കിലും കിഷോറേട്ടനും ഒപ്പം അഖിലും സനീഷും ഇടപെടുമായിരുന്നു . അവർക്ക് അവരുടെ സ്വന്തം അനുജനെ പോലെയായിരുന്നു മോനൂട്ടൻ എന്ന ജോമോൻ . പ്രത്യേകിച്ച് കിഷോറേട്ടന് . അവർക്ക് ഒഴിവുള്ള സമയങ്ങളിൽ മോനൂട്ടൻ അവരോടൊപ്പം കൂടി .
ആ വെക്കേഷന് തന്നെ ആദ്യമായി നാലാമതൊരാളെ കൂടി മോനൂട്ടൻ കണ്ട് മുട്ടി . അതും സുന്ദരിയായ ഒരു പെൺകുട്ടിയെ .ലാവണ്യ ! അതായാരുന്നു അവളുടെ പേര് .ലാണു എന്ന് അവളെ വിളിക്കും .

വല്യപ്പച്ചൻ വെളുപ്പിനെ നാലരക്ക് ടാപ്പിങ്ങിന് പോയി കഴിഞ്ഞ് രാവിലെ എട്ട് മണിയോടെയാണ് സാധാരണ രീതിയിൽ മോനൂട്ടൻ എഴുന്നേൽക്കൽ പതിവുണ്ടായിരുന്നുള്ളൂ . പക്ഷേ ആ ദിവസം രാവിലെ ഏഴരക്ക് വീടിനുള്ളിൽ ഏതോ പെൺകുട്ടിയുടെ കലപില കലപില എന്നുള്ള അപരിചിതമായ ശബ്ദം കേട്ടാണ് മോനു ഉണർന്നത് . അവൻ കണ്ണ് തിരുമി ശബ്ദം കേട്ട അടുക്കള ഭാഗത്തേക്ക് ചെന്നതും മുട്ടിന് മുകളിൽ എത്തുന്ന പുള്ളിപ്പാവാടയും വയറ് മറയുന്ന ബ്ലൗസ് പോലെയുള്ള ഉടുപ്പുമിട്ട് ഒരു കൊച്ചു പെൺകുട്ടി തൻ്റെ വല്യമ്മയായ അന്നക്കുട്ടിയെ പിറകിൽ നിന്നും കെട്ടിപിടിച്ച് നിൽക്കുന്നു .

അവൾ വല്യമ്മച്ചിയോട് എന്തൊക്കെയോ കലപില സംസാരിക്കുന്നുമുണ്ട് . വല്യമ്മച്ചി വീട്ടിൽ ധരിക്കാറുള്ള പഴയ സാരിയുമുടുത്ത് നിന്ന് പൂരി പരത്തി ചുടുകയായിരുന്നു . അവളുടെ ഒരു കയ്യിൽ പൂരി ഇരിക്കുന്നുണ്ട് . അത് കടിച്ച് പറിച്ച് തിന്നുകൊണ്ടാണ് വല്യമ്മച്ചിയെയും കെട്ടിപ്പിടിച്ച് നിന്ന് അവളുടെ കലപില സംസാരം . വല്യമ്മച്ചി എങ്ങോട് തിരിഞ്ഞാലും വല്യമ്മച്ചിയുടെ സാരിയുടുത്ത കൊഴുത്ത അടിവയറ്റിൽ ഒരു കൈ ചുറ്റിപ്പിടിച്ച് കൊണ്ട് അവളും തിരിയും.