🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

വേണ്ട എന്നവൻ നാണത്തോടെ സിസ്റ്ററിനോട് പറഞ്ഞെങ്കിലും ആ ഇത് കുടിക്ക് ജോമോനെ എന്നും പറഞ്ഞ് സിസ്റ്റർ മോനുവിൻ്റെ കയ്യിലേക്ക് മഗ് കൊടുത്തു . ചൂടുള്ള ചായ മോനു ഊതി ഊതി കുടിക്കുന്നത് കണ്ടിട്ട് സിസ്റ്ററിന് ചിരി വന്നു പോയി .

സിസ്റ്ററിൻ്റെ ചിരി കണ്ടപ്പോഴാണ് മോനു സിസ്റ്ററെ ശരിക്ക് ശ്രദ്ധിച്ചത് . താനും വല്യപ്പച്ചനും കൂടി മദറിനെ കാണാൻ ഇന്നലെ രാവിലെ ഓഫീസിൽ വന്നപ്പോൾ ഓഫീസിലുണ്ടായിരുന്ന രണ്ട് കൊച്ചു സിസ്റ്റർമാരിൽ ഒരാൾ ഈ സിസ്റ്ററായിരുന്നു . ലാണുവിൻ്റെ അത്രക്ക് സൗന്ദര്യം ഇല്ലെങ്കിലും നല്ല വെളുത്ത് സുന്ദരിയായ കൊച്ചു പെൺകുട്ടിയായിരുന്നു ആ സിസ്റ്റർ .

മദർ മഠത്തിൻ്റെ സൈഡിൽ ജാതിക്കാ തൊണ്ട് ഉണക്കാൻ ഇട്ടു കൊണ്ടിരിക്കുവാ . ജോമോൻ വന്നാൽ അങ്ങോട്ട് ചെല്ലാൻ മദർ പറഞ്ഞായിരുന്നു …
എന്ന് ചായ കുടിക്കുന്നതിനിടയിൽ പുഞ്ചിരിച്ചു കൊണ്ട് സിസ്റ്റർ മോനുവിനോട് പറഞ്ഞു . അതു കേട്ട് അവൻ പെട്ടെന്ന് ചായ ഊതി ഊതി കുടിക്കുന്നത് കണ്ട സിസ്റ്റർ …
സാവധാനത്തിൽ ചായ കുടിച്ച ശേഷം പോയാൽ മതി ജോമോനെ എന്ന് അവനോട് ചിരിച്ചു കൊണ്ട് പറഞ്ഞു .

മദറിനെ ജാതിക്കാതോട്ടത്തിലിട്ട് ഇന്നലെ എന്താ ചെയ്തതെന്ന് അവന് ആ സിസ്റ്ററിനോട് ചോദിക്കണമെന്നുണ്ടായിരുന്നു . പക്ഷേ പേടി കാരണം അവൻ അത് ചോദിക്കാൻ മുതിർന്നില്ല .

എന്നോട് എന്തോ ചോദിക്കാനുണ്ടല്ലോ ജോമോന് ..!
അവൻ്റെ ആ നോട്ടം കണ്ട് സിസ്റ്റർ മോനുവിനോട് മന്ദഹസിച്ചു കൊണ്ട് ചോദിച്ചു .

ഏയ് ഒന്നുമില്ല സിസ്റ്ററെ എന്നവൻ ചായ കുടിച്ചിറക്കിക്കൊണ്ട് നാണത്തോടെ സിസ്റ്ററിന് മറുപടി കൊടുത്തു .