🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

ആ നേരമൊക്കെ മോനു കണ്ട പറമ്പിലും പാടത്തുമായി അൽപസ്വൽപം വികൃതികളൊപ്പിച്ചും കപ്പയും വെള്ളരിയുമൊക്കെ കട്ട് പറിച്ച് തിന്നും സമയം ചിലവഴിച്ചു . മോനുവിൻ്റെ ഇരുപതാമത്തെ വയസിൽ സ്കൂളുകളും കോളേജുകളും പൂട്ടിയ വെക്കേഷൻ ടൈമിലാണ് അവന് നാല് സുഹൃത്തുക്കളെ ജീവിതത്തിൽ ആദ്യമായി കിട്ടുന്നത് . വീടിനടുത്തുള്ള കൊയ്ത് കഴിഞ്ഞ പാടത്ത് വെക്കേഷൻ സമയമായതിനാൽ ക്രിക്കറ്റ് കളിക്കാൻ വന്നിരുന്ന കുറച്ച് പേർ അവൻ്റെ സുഹൃത്തുക്കളായി മാറുകയായിരുന്നു .

ആദ്യമൊക്കെ പാടത്തെ ക്രിക്കറ്റ് കളി കാണാൻ മോനൂട്ടൻ പോവുകയും പിന്നീട് അവൻ പതിയെ പതിയെ കളിക്കാൻ ഇറങ്ങുകയും ചെയ്തു . മോനൂട്ടൻ ആള് ചെറുതായതിനാൽ അവന് മാത്രം അവർ സ്പിൻ ആയി പന്തെറിയുകയും ചെറിയ പലക കൊണ്ട് ഉണ്ടാക്കിയ ബാറ്റ് അവന് ബാറ്റ് ചെയ്യാൻ കൊടുക്കുകയും ചെയ്തിരുന്നു .
അവൻ്റെ കുട്ടിക്കളിയും ചെറിയ ശരീരവും കണ്ടിട്ടാവണം കളിക്കാൻ വരുന്നവരുടെ ലീഡറായ കിഷോറേട്ടന് അവനെ നന്നായി ബോധിച്ചു .

കൂട്ടത്തിലുള്ള അഖിലും സനീഷും അവൻ്റെ ഉറ്റ സുഹൃത്തുക്കളായി മാറി . കിഷോറേട്ടന് അന്ന് വയസ് മുപ്പത്തി രണ്ടായിരുന്നു . പുള്ളി അന്ന് കല്യാണമൊക്കെ കഴിഞ്ഞ് സ്വന്തമായി ഒരു നാനൂറ്റേഴൊക്കെ എടുത്ത് ഓടിക്കുകയായിരുന്നു . അഖിലും സനീഷും ഡിഗ്രി ഫൈനലിയർ പഠിക്കുന്നവരുമാണ് . അങ്ങനെ തൻ്റെ ജീവിതത്തിൽ ആദ്യമായി തൻ്റെ ഉയരക്കുറവിനേയും രോമം മുളക്കാത്ത ശരീരത്തേയും കളിയാക്കാത്ത തന്നോട് ആത്മാർത്തമായി സ്നേഹമുള്ള മൂന്ന് സുഹൃത്തുക്കളെ അവന് കിട്ടി .