🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

കുറച്ച് ആകാംശയോടെ മോനു വേഗം തന്നെ കുളിയും കഴിഞ്ഞ് പാലൊഴിച്ച ഒരു ഗ്ലാസ് ചായയും കൂടി കുടിച്ച ശേഷം പൗലോ മാപ്ലയുടെ ഹെർകുലീസ് സൈക്കിളിൻ്റെ മുന്നിലെ ചെറിയ സീറ്റിൽ ഇരുന്നുകൊണ്ട് യാത്ര തിരിച്ചു . ഇടവഴികൾ പിന്നിട്ട് അവർ ചെന്ന് നിന്നത് മോനു പഠിച്ച സ്കൂളിന് പിറകിലായുള്ള കന്യാസ്ത്രി മഠത്തിൻ്റെ മുന്നിലായിരുന്നു . മഠത്തിന് മുന്നിലെത്തിയതും പേടി കാരണം അവൻ്റെ നെഞ്ചൊന്നു പാളി .

ആളനക്കമില്ലാത്ത വിചനമായ ഏക്കറ് കണക്കിന് വരുന്ന വിശാലമായ സ്ഥലത്താണ് രണ്ട് നില കെട്ടിടത്തിൽ ആ മഠം സ്ഥിതി ചെയ്തിരുന്നത് . ആ നിശബ്ദതയിലും താറാവുകളുടേയും ഗിനിക്കോഴി വാത്ത മുതലായ പക്ഷികളുടെയും കരച്ചിൽ അവിടെ നിന്നും കേൾക്കാമായിരുന്നു . ഇടക്ക് എപ്പോഴോ മുന്തിയ ഇനം രണ്ട് നായ്ക്കളുടെ കുര കൂടി മഠത്തിനുള്ളിൽ നിന്നും കേട്ടതും മോനു വല്യപ്പച്ചൻ്റെ കയ്യിൽ മുറുകെ പിടിച്ചു.

സ്കൂളിൽ പഠിക്കുന്ന കാലം തൊട്ടെ മോനുവിന് ആ മഠം നന്നായി അറിയാമായിരുന്നു . അതിനുള്ളിൽ നല്ല വിളഞ്ഞ സപ്പോട്ടയും ജാതിക്കയും പനിനീർ ചാമ്പങ്ങയും ഉള്ളതായും അവനറിയാം . പക്ഷേ സ്കൂളിൻ്റെ മതിൽ കെട്ട് വിട്ട് മഠത്തിലേക്ക് ആർക്കും പ്രവേശനം ഇല്ലാതിരുന്നതിനാൽ ഇതേ വരെ മോനു മഠത്തിൻ്റെ കോംമ്പൗണ്ടിൽ കയറിയിട്ടേ ഉണ്ടായിരുന്നില്ല .

പൗലോ മാപ്ല കുന്തം വിഴുങ്ങി നിന്ന മോനുവിനേയും കൂട്ടിക്കൊണ്ട് നേരെ മഠത്തിലെ ഓഫീസ് റൂമിലേക്ക് നടന്ന് ചെന്നു . അവിടെ ചെന്നതും അതാ ഓഫീസിൽ ഇരിക്കുന്നു റബേക്ക സിസ്റ്ററും വേറെ രണ്ട് കൗമാരക്കാരികളായ കന്യാസ്ത്രി പെൺകുട്ടികളും . സിസ്റ്റർ റബേക്കയെ കണ്ടപ്പോൾ തന്നെ മോനുവിന് പണ്ട് കിട്ടിയ തല്ലിൻ്റെ വേദന ഓർമ വന്നു .
ദൈവമെ അനിതാ സിസ്റ്റർ ഇത് വഴി വരല്ലെ .. എന്ന് മാത്രമായിരുന്നു മോനുവിൻ്റെ മനസിലെ പ്രാർഥന മൊത്തം .