Posted by അല്പസമയത്തിന് ശേഷം
അർജുൻ : എന്താടി നോക്കുന്നെ ബാക്കി കൂടി കുടിക്ക്
ഇത് കേട്ട അമ്മു തന്റെ ജ്യൂസ് അർജുനടുത്തേക്ക്‌ നീക്കി വച്ചു
അർജുൻ : എന്താ വേണ്ടേ…
അമ്മു : ഇതെടുത്തിട്ട് നിന്റെ ജ്യൂസ് ഇങ്ങെടുക്ക് ബാക്കി ഞാൻ കുടിച്ചോളാം
അർജുൻ : അതെന്തിനാ നീ കുടിക്കുന്നെ എനിക്കെന്താ കുടിക്കാൻ അറിയില്ലേ
അമ്മു : ഓഹ് നല്ല തമാശ കളിക്കാതെ ഇങ്ങെടുക്ക് അജു
ഇത് കേട്ട അർജുൻ ഗ്ലാസിൽ നിന്നും പതിയെ സ്ട്രോ മാറ്റുവാൻ തുടങ്ങി
അമ്മു : വേണ്ട അതിരുന്നോട്ടെ
അർജുൻ : ഓഹ്… അങ്ങനെ ശെരി ശെരി ഇതാ കുടിച്ചോ എനിക്കിപ്പഴല്ലേ കാര്യം പിടികിട്ടിയത്
ഇത്രയും പറഞ്ഞു അർജുൻ ഗ്ലാസ്സ് അമ്മുവിനടുത്തേക്ക്‌ നീക്കി വച്ചു ശേഷം അവളുടെ ഗ്ലാസ്‌ കയ്യിലേക്കെടുത്ത്‌ ജ്യൂസ് കുടിക്കാൻ തുടങ്ങി ഒപ്പം പതിയെ അമ്മുവിനെ നോക്കാനും
അമ്മുവും ചിരിച്ചുകൊണ്ട് ജ്യൂസ് കുടിക്കാൻ തുടങ്ങി
അല്പസമയത്തിന് ശേഷം ഇരുവരും റോഡിൽ
അമ്മു : ഇനി അതുവരെ നടക്കണമല്ലോ ബൈക്ക് ഇവിടെ എവിടെയെങ്കിലും വച്ചാൽ മതിയായിരുന്നു
അർജുൻ : അതിന് സ്ഥലം വേണ്ടേ പാർക്കിംഗ് മുഴുവൻ ഫുള്ളായിരുന്നില്ലേ വാ കുറച്ചല്ലേ ഉള്ളു നടക്ക്
അർജുൻ മുന്നോട്ട് നടന്നു പെട്ടെന്ന് തന്നെ അമ്മു അർജുന്റെ തോളിൽ കയ്യിട്ട ശേഷം ഒപ്പം നടക്കാൻ തുടങ്ങി
അർജുൻ : അമ്മു തോളിൽ തൂങ്ങല്ലേ ഒന്നാതെ പൊക്കം കുറവാ
അമ്മു : ഹോ ഇപ്പോഴെങ്കിലും പൊക്കം കുറവാണെന്ന് സമ്മതിച്ചല്ലോ എനിക്ക് സന്തോഷമായി
അർജുൻ : ദേ അമ്മു നല്ലത് വാങ്ങും കേട്ടോ
അമ്മു : എന്താ അജു ഈഗോ അടിച്ചോ
അർജുൻ : നിന്നെ ഉണ്ടല്ലോ… നീ കയ്യെടുത്തേ അമ്മു