Posted by കുറച്ചു കൂടി വണ്ടി മുന്നോട്ട് ഓടിയ ശേഷം നാട്ടിലെ കാറ്റാടി മരങ്ങൾ എന്ന് തോന്നിപ്പിക്കുന്ന വലിയ മരങ്ങൾ ഇടതിങ്ങി നിൽക്കുന്ന കോമ്പൗണ്ടിലേക്ക് വണ്ടി കയറി ശിഖരങ്ങൾ ഇല്ലാതെ നീട് വളർന്ന ഇടതൂർന്ന മരങ്ങൾക്ക് മുകളിൽ മാത്രമാണ് ശിഖരം എന്ന് അഞ്ജു നോക്കി കണ്ടു. വനത്തിനു നടുക്ക് കൂടി എന്ന പോലെ വണ്ടി മുന്നോട്ട് ഓടി തടികൊണ്ട് ഒരാൾക്ക് മേലെ പൊക്കമുള്ള ഉള്ള ഫെൻസിങ് തീർത്തിരിക്കുന്നു ഇരുനില വിളക്ക് മുന്നിലായി വണ്ടി നിന്നു.
അറബാബിനൊപ്പം അഞ്ജുവും പുറത്തേക്കിറങ്ങി , ചെറിയ തണുപ്പ് ഉണ്ടായിരുന്നുവെങ്കിലും അതി കഠിനമായിരുന്നില്ല , വുഡ് ഹൌസ് പോലെ തോന്നിക്കുന്ന മനോഹരമായ ഒരു വില്ല ആയിരുന്നു അത് . പുറത്തു മനോഹരമായ ഫോണ്ടിൽ ബ്രിക്ക് ഹൌസ് ഏന് എഴുതിയിരുന്നു. അത് കണ്ടു സൂക്ഷിച്ചു നോക്കിയപ്പോൾ അവൾക്കു മനസിലായി വില്ല ഉണ്ടാക്കിയിരിക്കുന്നത് വുഡ് അല്ല ബ്രിക്ക് കൊണ്ട് ആണ് എന്ന് .
ഡ്രൈവർ ബാഗുകൾ എടുത്തു അകത്തേക്ക് കയറിയപ്പോൾ അഞ്ജു മയങ്ങുകയായിരുന്ന സമീറയെ ഉണർത്തി അവളുടെ കൈ പിടിച്ചുകൊണ്ട് അറബാബിനൊപ്പം അകത്തേക്ക് കയറി.
” വൗ ” മയക്കം വിട്ടുണർന്നു മുന്നിൽ മനോഹരമായ വില്ല കണ്ട സമീറ പറഞ്ഞു.
രണ്ടു നിലയായുള്ള വിലയുടെ മുറ്റം പുൽത്തകിടി ആണെങ്കിലും അവിടെയും പുറത്തെ പോലെ മരങ്ങൾ ഇടതൂർന്നു വളർത്തിയിരുന്നു ഒപ്പം പനയും . വില്ലയുടെ ഇരു നിലകളുടെയും മുൻ ഭാഗം മുഴുവനായും ഗ്ലാസ് ആയിരുന്നു . താഴെ കാർപോര്ച് പോലെ ഉള്ള ഭാഗത്തു തടിയുടെ ടേബിളും ഇരു സൈഡിലും തടിയുടെ ബെഞ്ചും. പുൽ തകിടിയിൽ ഒരു സോഫ സീറ്റും ടീപോയും .