Posted by അവൻ പറഞ്ഞു
‘ഓ..’
ആ കുട്ടി ഒന്ന് മൂളിയിട്ട് കൃഷ്ണയെ ഒന്ന് സൂക്ഷിച്ചു നോക്കി. അപ്പോളേക്ക് ഞങ്ങൾ ബാക്കി എല്ലാവരും കൈ കഴുകി അവിടേക്ക് വന്നിരുന്നു
‘എന്റെ കൂടെ പഠിക്കുന്നവരാ.. ക്ലാസ്സ്‌ തീർന്നതിന്റെ ഒരു സെലിബ്രേഷൻ പോലെ ബീച്ചിൽ ഒക്കെ കറങ്ങാൻ വന്നതാ..’
അവൻ പറഞ്ഞു
‘ഓഹ്.. ഓക്കേ. എന്റെ നമ്പർ ചേഞ്ച്‌ ആയിരുന്നു.. നിന്റെ നമ്പർ ഒന്ന് പറയുമോ..?
അവൾ ചോദിച്ചു
‘എന്റെ പഴയ നമ്പർ തന്നെ..’
രാഹുൽ അത് പറഞ്ഞിട്ട് അവളെ ഒന്ന് നോക്കി. എന്നിട്ട് നമ്പർ അവൾക്ക് പറഞ്ഞു കൊടുത്തു
അവിടെ നിന്ന് ഇറങ്ങി കാറിൽ കയറി കഴിഞ്ഞാണ് അവൻ അതാരാണെന്ന് ഞങ്ങളോട് പറയുന്നത്. അതാണ് രേവതി. അവനെ പണ്ട് തേച്ചു വലിച്ചു ഒട്ടിച്ചിട്ട് പോയ കൊച്ചു. അവളെ ഇവിടെ കാണുമെന്നു അവൻ ഒരിക്കലും കരുതിയിരുന്നതല്ല. കാറിൽ കയറി കഴിഞ്ഞു അവൻ അധികം സംസാരിച്ചൊന്നുമില്ല. അവൻ ഏതോ സ്വപ്നലോകത്തു ആണെന്ന് എനിക്ക് തോന്നി. ബീച്ചിൽ നിന്ന് തിരിച്ചു പോണ വഴി ആണ് അവന്റെ വീട്. അവനെ അവിടെ ഇറക്കി കൃഷ്ണയെ കോളേജിലും ഇറക്കി. അവളുടെ വണ്ടി ഇവിടെ ഇരിക്കുവാണല്ലോ. ഇങ്ങോട്ട് തിരിച്ചു വന്നപ്പോൾ കൃഷ്ണയും ഇഷാനിയും നല്ലത് പോലെ സംസാരിക്കുന്നുണ്ടായിരുന്നു.. കൂടുതലും രേവതിയെ കുറിച്ച് ആയിരുന്നു. അവിടെ വച്ചേ അവൾ ആരായിരുന്നു എന്ന് പറഞ്ഞിരുന്നു എങ്കിൽ അവളെ രണ്ട് പറയായിരുന്നു എന്നൊക്കെ കൃഷ്ണ കാറിൽ ഇരുന്നു പറഞ്ഞു..
കൃഷ്ണയെ ഇറക്കി കഴിഞ്ഞു മിച്ചം വന്ന ശ്രുതിയെ ഞങ്ങൾ തിരിച്ചു അവളുടെ വീട്ടിൽ തന്നെ കൊണ്ടു വന്നു ആക്കി. ആഷിയും ഫാത്തിമയും റെസ്റ്റോറന്റ്ൽ നിന്നും ബൈക്കിൽ നേരെ പോയിരുന്നു. പിന്നെ ഇപ്പൊ ഞങ്ങളിൽ ബാക്കി ആയത് ഞാനും ഇഷാനിയും മാത്രം. ഞങ്ങൾ മാത്രം ആയപ്പോൾ അവൾ മുന്നിലേക്ക് കയറി ഇരുന്നു..