Posted by മകൾക്ക് ചക്ക ഇഷ്ടമായത് കൊണ്ട് കുറച്ച് ചക്കയുമായി ഉപ്പ മടങ്ങി.
ഉപ്പ തിരികെ എത്തിയപ്പോൾ ഷഹാന കിടക്കുകയായിരുന്നു. ഡിക്കിയിൽ നിന്നും ചക്ക പെറുക്കി വീതനയുടെ ചുവട്ടിലേക്ക് ഉരുട്ടി വെച്ചപ്പോൾ അതിൻ്റെ ഉള്ളിൽ മണ്ണെണ്ണ കന്നാസെടുത്ത് കളിക്കുന്ന പേരക്കുട്ടിയെ കണ്ട് ഉപ്പ ഞെട്ടിപ്പോയി. കുഞ്ഞ് നടക്കാൻ തുടങ്ങിയതിൽ പിന്നെ അവൻ എത്താത്ത സ്ഥലങ്ങളുണ്ടായിരുന്നില്ല.
ഉപ്പ പോയതിനു ശേഷം ഷഹാന നിലത്തൊരു തുണി വിരിച്ച് മകനെ അതിൽ കിടത്തി അവളും അടുത്ത് കിടന്നതായിരുന്നു. പക്ഷേ അവൾ എപ്പോഴോ ഉറങ്ങിപ്പോയി. മകൻ എഴുന്നേറ്റ് പരതി നടക്കാനും തുടങ്ങി.
“ഒരു കുട്ടിളളതും കൂടെ ഓർക്കാതെ ഇയ്യിങ്ങനെ കെടന്നാലെങ്ങനെയാ? ഇപ്പോ തന്നെ ഓനെ എവടന്നാ കിട്ടീത് ന്നറിയോ… പൂവീ…അനക്ക് ചക്ക വല്യ ഇഷ്ടല്ലേ. കൊറച്ച് ചക്ക കിട്ടീട്ട്ണ്ട്. ഉടച്ച് വെച്ച് മീൻ കൂട്ടാനും കൂട്ടി തിന്നാം. ബാക്കി പഴുപ്പിക്കാനും വെക്കാം. പിന്നെപ്പളേലും ചക്കപ്പണ്ടാക്കാലോ”?
ഉപ്പ കുഞ്ഞിനേയും കൊണ്ട് ഷഹാനയുടെ അരികിലെത്തി. അവൾ ബുദ്ധിമുട്ടി എഴുന്നേറ്റിരുന്നു. ഉപ്പക്ക് മകളുടെ അവസ്ഥ മനസ്സിലായി.
“ എന്താ അനക്ക് പറ്റീത്? ഞാനിന്നലെ വന്നപ്പളും ഇങ്ങനെന്നേന്നല്ലോ”
“വയ്യ ഉപ്പാ. പനിയാന്ന് തോന്ന്ണ്ട്. മൂന്ന് ദിവസായിട്ട് ഇങ്ങള് കുടിച്ചില്ലല്ലോ. അതൂണ്ട്”
ഉപ്പ ഉടൻ തന്നെ പഴയ മരുന്ന് ചീട്ട് തപ്പിയെടുത്ത് കോഴിക്കോട് പോയി മരുന്നുമായി മടങ്ങിയെത്തി. ഷഹാന ഗുളിക കഴിച്ചു. അവൾക്ക് വേദനക്ക് അൽപം ശമനം തോന്നി.