Posted by പക്ഷേ, ഉറങ്ങാത്തതിന്റെ കാരണം അതല്ല.. പൊട്ടിയ കാലിൽ സഹിക്കാനാവാത്ത വേദന.. കുറേ നേരം അവൻ കടിച്ച് പിടിച്ച് സഹിച്ചു.. തന്നെയൊന്ന് ആശ്വസിപ്പിക്കാൻ പോലും അടുത്താരുമില്ലല്ലോ എന്നവൻ വേദനയോടെ ഓർത്തു..
സലീന തൊട്ടടുത്ത മുറിയിലുണ്ട്..അവളെ വിളിക്കാനവന് തോന്നിയില്ല..
അപ്പുറത്തെ മുറിയിലാണെങ്കിൽ സലീനയും ഉറങ്ങാതിരിക്കുകയാണ്..അവൾക്ക് ചെറിയ ടെൻഷനുണ്ട്.. അബ്ദു എന്ത് പറയും എന്നാണവളുടെ ടെൻഷൻ.. സാജിതയാണെങ്കിൽ ഫോൺ വിളിച്ചിട്ട് എടുക്കുന്നുമില്ല…
നേരം ഒരുമണിയായി..അവളിപ്പഴും മുറിയിലൂടെ അങ്ങോട്ടുമിങ്ങോട്ടും നടക്കുകയാണ്..
പെട്ടെന്ന് വാട്സാപ്പിൽ ഒരു മെസേജ്.. സാജിതയാണ്..
“ഇന്നിനി എന്നെ വിളിച്ച് ശല്യപ്പെടുത്തരുത്… അബ്ദുവിനോട് ഒന്നും പറയേണ്ടി വന്നില്ല..എല്ലാം അവനിങ്ങോട്ട് പറഞ്ഞു… അവന് നിന്നെ ഇഷ്ടമാണ്… നിന്റെ ഡിവോഴ്സ് കഴിഞ്ഞാ കല്യാണം… സന്തോഷമായില്ലേ…?”..
സലീന, അത് കേട്ടതും കരഞ്ഞ് പോയി,, സന്തോഷം കൊണ്ട്…തിരിച്ചെന്തെങ്കിലും പറയാൻ നോക്കുമ്പോ അവൾ ഓൺലൈനിലില്ല.. വിളിച്ച് നോക്കിയപ്പോ സ്വിച്ചോഫ്…
എങ്കിലും മനസുകൊണ്ടവൾ സാജിതക്ക് നന്ദി പറഞ്ഞു..
താനിങ്ങനെയൊരു കാര്യം പറഞ്ഞാ എന്തായാലും തന്റുപ്പ സമ്മതിക്കും.. അബ്ദുവിന് പണം ഇത്തിരി കുറവായിരിക്കാം… എങ്കിലും അവൻ നല്ലവനാണ്… തനിക്കവൻ മതി.. ഇത്ര നാളും പെണ്ണ് കണ്ട് നടന്നിട്ട് അവന് കല്യാണം ശരിയാകാത്തതിന് ആദ്യമായി അവൾ പടച്ചവന് സ്തുതി പറഞ്ഞു..
അവനെ ഇപ്പോത്തന്നെ ഒന്ന് കാണണമെന്ന് അവൾക്ക് തോന്നി.. അവന്റെ മുറി വരെ ഒന്ന് പോയി നോക്കിയാലോ… അവൻ ഉറക്കമായിരിക്കും.. എന്നാലും അവനെയൊന്ന് കാണാലോ.. പതിയെ ചെന്ന് അവനെ ഉണർത്താതെ ഒന്ന് കണ്ട് പോരാലോ…