🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

അവന്റെ നെഞ്ച് ആകെ ആ ഭീകര രൂപത്തിന്റെ അക്രമണത്താൽ നുരിവ്. മുറിവ് പറ്റിയിരുന്നു. ആ മുറിവുകളിൽ നിന്നും കറുത്ത ദ്രാവകം ചോര പോലെ ഒലിച്ചു കൊണ്ടേയിരുന്നു.

“ക്രാ…….” അവൻ അലറി. നിന്ന നിൽപ്പിൽ ഫെഡറിക്കിന്റെ ദേഹമാസകലം ചെമ്പൻ രോമങ്ങൾ വളർന്നു വന്നു. അവന്റെ ശരീരം ഇപ്പോൾ ഉള്ളതിനേക്കാൾ ഇരട്ടിയായി വലുതായി.. പൂച്ചയുടെ മുഖമുള്ള ഭീകരജീവിയുടെ അത്രയും തന്നെ ഉയരം അവനും വന്നു.. കത്രീനേം തോമസും ചേർന്ന് പൂച്ചയായി മാറിയത് പോലെ ഫെഡറിക്ക് ഒരു ഭീമൻ ചെമ്പൻ കരടിയായി മാറി..

View post on imgur.com

https://i.imgur.com/RsILaNo.jpeg

“ഗ്രാ……”ആ കരടി അലറി.

“ക്ക്രാ…..” ആ പൂച്ചയും അലറി.

കരടിയും പൂച്ചയും ആക്രമിക്കാനായി ഓടിയടുത്തു. അരികിലേക്ക് ഓടിയെത്തിയ പൂച്ചയുടെ വയർ നോക്കി ഫെഡറിക്ക് തല്ലി. പിറകിലേക്ക് പോയ പൂച്ച തിരികെ മുന്നിലേക്ക് ചാടി കരടിയുടെ നെഞ്ചാകെ നഖം കൊണ്ട് കീറി. രണ്ട് ഭീകര ജീവികളും ആ മുറ്റത്ത് കിടന്നു വാശിയോടെ പരസ്പരം ആക്രമിച്ചു.

എന്ത് സംഭവിക്കും എന്നറിയാൻ ഭയത്തോടെ ബോസ്റ്റൻ ബംഗ്ലാവിലെ അന്തേവാസികൾ ഭീകരജീവികളുടെ പോരാട്ടം നോക്കി നിന്നു.

“പടക്ക്…..” കരടിയുടെ അടിയിൽ പൂച്ച തളർന്നു ഭൂമിയിലേക്ക് വീണു. വീണ്ടും വീണ്ടും എഴുന്നേൽക്കാൻ ശ്രമിച്ചെങ്കിലും അതിന് സാധിച്ചില്ല. എങ്കിലും അവസാനം എങ്ങനെയൊക്കെയോ പൂച്ച എഴുനേറ്റ് നിന്നു. അടുത്ത ആക്രമണത്തിന് മുൻപ് പൂച്ച തല തിരിഞ്ഞു ഡാനിയെ നോക്കി. ആ കണ്ണുകൾ തന്നോട് യാത്ര പറയുകയാണെന്ന് ഡാനിക്ക് തോന്നി..