🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

“ ഒരുപക്ഷേ എന്നല്ല അവൻ ജീവനോടെ ഉണ്ടെന്ന് എനിക്ക് ഉറപ്പാണ്…”ലൈല മറുപടി നൽകി.

“യെസ്… അതാണ് നമ്മൾ പറഞ്ഞു വരുന്നത്. എങ്ങനെയും കത്രീനയെ ശക്തയാക്കാമെന്ന് നമ്മൾ തന്നെയല്ലേ അവൾക്ക് വാക്ക് നൽകിയത്. പക്ഷേ ഞാനും ഡെയ്സിയും ആലോചിക്കുന്ന പ്ലാൻസ് എല്ലാം ഫ്ലോപ്പ് ആയിപോയി…പ്ലീസ് ഹെല്പ്…” ഡാനിയൽ പറഞ്ഞു.

അൽപ്പനേരം എന്തോ ആലോചിച്ചിരുന്ന ശേഷം ലൈല അലമാരി തുറന്ന് ഫുട്ബോൾ വലിപ്പത്തിലുള്ള രത്നം കയ്യിലേക്ക് എടുത്തു.

“ ഇവിടുത്തെ ആത്മാക്കളെ ബന്ധിക്കാൻ വന്ന സമയം എന്റെ കയ്യിലെ മാന്ത്രികല്ല് ഇവിടുത്തെ പൈശാചിക ശക്തിയുടെ കരുത്താൽ തകർന്നുപോയി. അതിന് പകരം പുതിയൊരു മാന്ത്രിക കല്ല് നിർമ്മിക്കാനായി ഞാൻ വരുത്തിച്ച രക്തം ആണിത്..”ലൈല പറഞ്ഞു.

“ നമ്മുടെ ലക്ഷ്യത്തിലേക്ക് എത്താൻ ഈ കല്ല് നമ്മളെ സഹായിക്കും എന്നാണോ നീ പറയുന്നത് …?”ഡെയ്സി ചോദിച്ചു.

“ ഇപ്പോൾ ഇത് വെറും ഒരു കല്ല് മാത്രമാണ്. യാതൊരു ശക്തിയുമില്ലാത്ത കല്ല്. തകർന്നുപോയ എന്റെ മാന്ത്രിക കല്ല് ഈ ബംഗ്ലാവിന്റെ പൈശാചിക ശക്തിയുടെ ഒരു ഭാഗം അതിലേക്ക് ആവാഹിച്ചിരുന്നു.ഒരുപക്ഷേ ആ ശക്തി ഈ കല്ലിലേക്ക് ആവാഹിക്കാൻ നമുക്ക് സാധിച്ചാൽ, നമ്മുടെ ലക്ഷ്യത്തിലെത്താൻ ഈ കല്ല് ഞങ്ങളെ സഹായിക്കും” കണ്മുന്നിലിരുന്ന പിങ്ക് നിറമുള്ള ഫുട്ബോൾ വലുപ്പമുള്ള രത്‌നം നോക്കി ലൈല പറഞ്ഞു.

View post on imgur.com

https://i.imgur.com/6P9MN9U.jpeg

“എന്നാൽ വേഗം ആവാഹിക്ക്” ഡാനിയേൽ പറഞ്ഞു.

“ഹ ഹ.. അതത്ര എളുപ്പമുള്ള കാര്യമല്ല…അതിനായി ഒരുപാട് കാര്യങ്ങൾ ചെയ്യാനുണ്ട്.. മ്മ്മ്…നോക്കാം…. ആദ്യം ഞാൻ നിങ്ങളുടെ അമ്മയെയും, ചേട്ടത്തിയെയും കാണട്ടെ.. അവരോട് കുറച്ച് സംസാരിക്കാനുണ്ട്. എന്തായാലും റിയ ബംഗ്ലാവിലേക്ക് താമസിക്കാൻ വന്നത് നന്നായി”ലൈല പറഞ്ഞു.