🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

എന്നാൽ ആന്റണിയുടെ മുഖത്ത് യാതൊരു ഭാവ വ്യത്യാസവും ഉണ്ടായിരുന്നില്ല.ഡാനിയേൽ പറഞ്ഞത് കേട്ട ഭാവം പോലുമവൻ കാണിച്ചില്ല. പക്ഷെ അപ്പോഴും ഡാനിയെ നോക്കി അയാൾ സഹായത്തിനായി കൈ ഉയർത്തിക്കൊണ്ടിരുന്നു.

“ഡാനിയേൽ……നോ…..”സ്റ്റൈർകേസ് ഓടിയിറങ്ങിയ റിയ സീക്രെട് റൂമിന്റെ വാതിലിനു ഉള്ളിലേക്ക് കയറാനായി നിന്ന ഡാനിയെ ഷർട്ടിൽ പിടിച്ചു പിറകിലേക്ക് വലിച്ചിട്ട ശേഷം ഞൊടിയിടയിൽ റൂമിന്റെ വാതിൽ വലിച്ചടച്ചു “പടക്ക്…..”.മിന്നായം പോലെ റൂമിനുള്ളിൽ നിന്ന ഭീമൻ കരടിയെ റിയ കണ്ടു.മുറിയടച്ചതിന്റെ എക്കോ ബംഗ്ലാവാകെ മുഴങ്ങിക്കേട്ടു.

“ആ.. ആ റൂമിൽ കേറരുത്…”വിറയ്ക്കുന്ന സ്വരത്തിൽ റിയ പറഞ്ഞു.

“യെസ്…”ഡാനിയുടെ ശബ്ദത്തിൽ ഭയം നിഴലിച്ചിരുന്നു “ഓഹ് ഷിറ്റ്.. വെയിറ്റ് വെയിറ്റ്…ആന്റണി…ലൈലയുടെ ഭർത്താവ് ആന്റണി റൂമിനുള്ളിലുണ്ട്..”

“നോ വേ…അതിനുള്ളിൽ ജീവനുള്ള ആരും കാണില്ല..

“അത് ചേട്ടത്തിക്ക് എങ്ങനറിയാം…?”അടച്ച സീക്രെട് റൂമിന്റെ നോമ്പിൽ പിടിച്ചു റൂം തുറക്കാൻ ശ്രമിച്ചുകൊണ്ട് ഡാനിയേൽ ചോദിച്ചു. പക്ഷെ വാതിൽ ലോക്ക് ആയിരിക്കുന്നു. തുറക്കാൻ പറ്റുന്നില്ല.

“അത്.. അത്…” റിയയുടെ മനസിലേക്ക് ആ മുറിയിൽ വെച്ചു കത്രീനയുടെ മകൻ തോമസ് തന്നെ റേപ്പ് ചെയ്ത ശേഷം സാത്തനുമായി കരാറിൽ ഏർപ്പെടുത്തിയത് ഒക്കെ ഓർത്തെടുത്തു.ഡാനിയോട് പോലും ഇതുവരെ ആ കാര്യം അവൾ പറഞ്ഞിട്ടില്ല.ഒപ്പം അന്ന് ഡാനിക്ക് ഇതിനുള്ളിൽ വെച്ചു അപകടം നടന്നതും ഓർത്തു. മൗനമായി നിന്ന ചേട്ടത്തിയോട് അതിനെപ്പറ്റി കൂടുതൽ ചോദിക്കണമെന്ന് ഡാനിക്ക് ഉണ്ടായിരുന്നു പക്ഷെ സാഹചര്യം നല്ലതല്ലാത്തതിനാൽ അവനതിന് മുതിർന്നില്ല.അവന്റെ മനസ്സിൽ മറ്റൊരു ചോദ്യം ഉടലെടുത്തിരുന്നു.