🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

“ഹ ഹ.. നല്ല ചോദ്യം.. ഈ ബംഗ്ലാവിന്റെ ഇപ്പോഴത്തെ ഉടമസ്ഥൻ ഞാനാണ്…ഇതെന്റ വീടാണ്…”

അയാളുടെ മറുപടി കേട്ട ജൂലി രണ്ടടി പിറകിലേക്ക് വെച്ചു. “പിശാച്.. സാത്താൻ…”അവൾ മെല്ലെ പറഞ്ഞു.

“ശേ…അങ്ങനെ വിളിക്കുന്നത് എന്നിക്കത്ര ഇഷ്ടമുള്ള കാര്യമല്ല.” ആ മനുഷ്യൻ മുഖം ചുളിച്ചു. “നിനക്കെന്നെ ഡേ സ്റ്റാർ എന്ന് വിളിക്കാം .. അല്ലെങ്കിൽ ലൂസിഫർ…ഞാനും ഒരു മാലാഖയാണ്.. എന്നെക്കണ്ട് നീ ഭയപ്പെടേണ്ട ആവശ്യമില്ല…” അയാൾ പുഞ്ചിരിച്ചു.

അവന്റെ ചിരി കണ്ട ജൂലിക്ക് അല്പം ആശ്വാസം തോന്നി. “ ഓക്കേ ഓക്കേ.. ഹലോ ഡേ സ്റ്റാർ.. നോ.. ലൂസിഫർ…”ജൂലി ലൂസിഫറിന്റെ അരികിലേക്ക് നടന്നു.. “പറ..എൻ്റെ കുടുംബവുമായി നിങ്ങൾക്ക് എന്താണ് വേണ്ടത്?”

“ഈ ദൈവമെന്ന് പറയുന്നവൻ ഒരുപാട് നിയമങ്ങൾ ഉണ്ടാക്കി വെച്ചിട്ടുണ്ട്.. അത് നിങ്ങൾ മനുഷ്യരെ സമ്മർദ്ധത്തിൽ ആക്കുകയയല്ലേ ചെയ്യുന്നത്…? എന്തോ.. എനിക്കിങ്ങനുള്ള നിയമങ്ങൾ ഇഷ്ടമേ അല്ല..അവൻ്റെ നിയമങ്ങളുടെ ഭാരം ലഘൂകരിക്കാൻ മാത്രമാണ് ഞാൻ ആഗ്രഹിക്കുന്നത്.ഞാൻ അവൻ്റെ നിയന്ത്രണങ്ങൾ ലഘൂകരിക്കുന്നു. ദൈവവും ഞാനും ഇതിനെച്ചൊല്ലി അൽപ്പം വഴക്കുണ്ടാക്കി, എന്തിനധികം…ആ തർക്കത്തെ തുടർന്ന് എന്നെ വീട്ടിൽ നിന്നുവരെ പുറത്താക്കി..”

“നീ.. നീ മറ്റുള്ളവരെ വഴി തെറ്റിക്കുയല്ലേ ചെയുന്നത്…?

“ഒരാൾക്ക് സന്തോഷം ലഭിക്കാനുള്ള മാർഗം പറഞ്ഞുകൊടുക്കുന്നതിനെ വഴിതെറ്റിക്കുക എന്നാണോ പറയുന്നത്..? അങ്ങനെയെങ്കിൽ നീ പറഞ്ഞത് ശെരിയാണ്.. ഞാൻ മറ്റുള്ളവരെ വഴി തെറ്റിക്കുന്ന വ്യക്തിയാണ്…” പുച്ഛം കലർന്ന ഭാവത്തിൽ ലൂസിഫർ പറഞ്ഞു.