🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

കത്രീനയുടെ ഭർത്താവായ ഫെഡറിക്കിന്റെ ആത്മാവും അവന്റെ വളർത്തു കരടിയും കുടി കൊള്ളുന്ന ബംഗ്ലാവിലെ പൂട്ടിക്കിടക്കുന്ന മുറിയിക്ക് മുന്നിൽ പൈശാചിക ശക്തി പുറത്ത് കടക്കാതിരിക്കാൻ ലൈല ഉപ്പ് കൊണ്ട് വരച്ച സിമ്പലിതാ ആരൊക്കെയോ ചവിട്ടി മായ്ച്ചിരിക്കുന്നു.. ഒരുപക്ഷെ ഇന്നലെ വന്ന ഗസ്റ്റുകൾ ആകും.. പൂട്ടിക്കിടന്ന മുറിയിതാ മലർക്കേ തുറന്ന് കിടക്കുന്നു.അതിനർത്ഥം തന്നെ കൊല്ലാൻ നടക്കുന്ന ഫെഡറിക്കിന്റെ ആത്മാവ് പുറത്തിറങ്ങി എന്നല്ലേ…

“ഓ ഷിറ്റ്….” ഡാനിയേൽ ഭയന്ന് വിറച്ചു.

ഒച്ചിന്റെ വേഗതയിൽ ഡാനിയേൽ മലർക്കേ തുറന്ന് കിടന്ന മുറിയിലേക്ക് നടന്നു. ബംഗ്ലാവാകെ നിശ്ശബ്ദത തളം കെട്ടി നിന്നു.താനെപ്പോഴും ബംഗ്ലാവിൽ കേട്ടുകൊണ്ടിരുന്ന അദൃശ്യമായ ക്ലോക്കിന്റെ ടിക്ക് ടിക്ക് ശബ്ദം പോലുമവൻ കേൾക്കുന്നില്ലായിരുന്നു.എന്നാൽ ഭയത്താലുള്ള സ്വന്തം ഹൃദയമിടുപ്പ് അവന്റെ കാതുകളിൽ പതിഞ്ഞു.

മുകളിലത്തെ നിലയിൽ ദിവാസ്വപ്നം കണ്ടുറങ്ങുകയായിരുന്ന റിയ ചേട്ടത്തി പെട്ടെന്ന് കണ്ണ് തുറന്നു ബെഡിൽ നിന്നും ചാടിയിറങ്ങി.ബെഡിൽ ഉറങ്ങുകയായിരുന്ന ഭർത്താവിനെ ഉപേക്ഷിച്ചുകൊണ്ട് റിയ താഴത്തെ നിലയിലേക്ക് നടന്നു. ബംഗ്ലാവിലെന്തോ പ്രശ്നം ഉണ്ടെന്ന് അവളുടെ മനസ്സില്ലിരുന്നു ആരോ പറഞ്ഞു.

“ ഹലോ..”റൂമിനകത്തേക്ക് കയറാൻ ഭയപ്പെട്ടിരുന്ന ഡാനിയൽ റൂമിന്റെ വാതിക്കൽ നിന്നു. റൂമിനുള്ളിൽ ഇരുട്ടായതിനാലും, താൻ നിന്ന ഭാഗം ബ്ലൈൻഡ് സ്പോട്ട് ആയതിനാലും ഡാനിക്ക് അകത്ത് എന്താണെന്ന് വ്യക്തമായി കാണാൻ സാധിച്ചില്ല. വിറയ്ക്കുന്ന കാലുകളുമായി ഡാനിയൽ സർവ്വധൈര്യവും സംഭരിച്ചുകൊണ്ട് വാതിലിന്റ മുന്നിലേക്ക് അല്പം കൂടെ കയറി നിന്നു. ഹലോ വിറയ്ക്കുന്ന സ്വരത്തിൽ ഡാനിയൽ റൂമിലേക്ക് നോക്കി ചോദിച്ചു.അവൻ തുറന്ന വാതിലിനടുത്തേക്ക് കയറി, അകത്തേക്ക് നോക്കി.