Posted by
അമ്മു : അച്ഛനും അമ്മയും കള്ളം പറഞ്ഞതാണെങ്കിലോ ഇനി എനിക്ക് കുട്ടികൾ ഉണ്ടാകില്ലേങ്കിലോ 😭 നമുക്ക് ആരും വേണ്ടേ അജു നമ്മൾ ഒറ്റക്കാകില്ലേ കുറേ കഴിയുമ്പോൾ അജു എന്നെ വെറുക്കും എനിക്കറിയാം
അർജുൻ : ഞാൻ എന്റെ വീട്ടുകാരോട് പറഞ്ഞത് തന്നെയാ എനിക്ക് നിന്നോടും പറയാനുള്ളത് കുട്ടികൾ ഉണ്ടായില്ലെങ്കിൽ അത് എന്റെ വിധിയാണ് അതിൽ നിന്റെ ഒരു കുറ്റവും ഇല്ല പിന്നെ നമ്മൾ ആർക്കും ഒരു ദ്രോഹവും ചെയ്തിട്ടില്ലല്ലോ അതുകൊണ്ട് ദൈവം നമ്മളെ കൈവിടില്ല എനിക്ക് ഉറപ്പുണ്ട്
ഇത് കേട്ട അമ്മു അർജുന്റെ നെഞ്ചിൽ തല വച്ച ശേഷം കണ്ണുകൾ അടച്ചു
“അജു എഴുനേൽക്ക് അജു…”
അമ്മുവിന്റെ ശബ്ദം കേട്ടായിരുന്നു അർജുൻ രാവിലെ കണ്ണ് തുറന്നത്
“ഇത്ര പെട്ടെന്നു നേരം വെളുത്തോ ” അർജുൻ കണ്ണ് തിരുമികൊണ്ട് ചോദിച്ചു
അമ്മു : പിന്നില്ലേ 8 മണിയായി വേഗം എഴുനേൽക്ക് 10 മണിക്ക് വെക്കേറ്റ് ചെയ്യണം എന്നാ അവർ പറഞ്ഞത്
ഇത് കേട്ട അർജുൻ ബെഡിൽ നിന്നും എഴുനേറ്റു
അമ്മു : ഞാൻ ചായ പറഞ്ഞിട്ടുണ്ട് ഇപ്പോൾ കൊണ്ടുവരും അജു ഫ്രഷായിക്കോ
ഇത് കേട്ട അർജുൻ പതിയെ ബാത്റൂമിലേക്ക് പോയി
അല്പനേരത്തിനുള്ളിൽ റെഡിയായി ഭക്ഷണവും മറ്റും കഴിച്ച അർജുനും അമ്മുവും റൂം വെക്കേറ്റ് ചെയ്തു ശേഷം അടുത്തുള്ള ബസ് സ്റ്റോപ്പിൽ ചെന്ന് നിന്നു
അർജുൻ : അവിടെ ഇരുന്നോ അമ്മു ഞാൻ റിയാസിനെ ഒന്ന് വിളിക്കട്ടെ
ഇത്രയും പറഞ്ഞു അർജുൻ ഫോണെടുത്ത് ഡയൽ ചെയ്തു