Posted by
അമ്മു : അതല്ല അജു ഒരു ദിവസം കൊണ്ട് എന്തൊക്കെയാ ഉണ്ടായത് എനിക്ക് ഒന്നും അങ്ങോട്ട് ഉൾകൊള്ളാൻ പറ്റുന്നില്ല
അർജുൻ : ഇപ്പോൾ അതിനെ പറ്റിയൊന്നും ആലോചിക്കണ്ട ദാ ഇതെടുത്ത് കഴിച്ചേ ഇതുവരെ ഒന്നും കഴിച്ചു കാണില്ലല്ലോ
അമ്മു : വേണ്ട അജു ഇപ്പോൾ ഒന്നും ഇറങ്ങില്ല
അർജുൻ : ഇറങ്ങിയില്ലെങ്കിൽ കുത്തി ഇറക്കാൻ ഞാൻ ആരെയെങ്കിലും വിളിക്കാം നീ എന്നെ ദേഷ്യം പിടിപ്പിക്കാതെ കഴിച്ചേ എനിക്കും നന്നായി വിശക്കുന്നുണ്ട്
ഇത് കേട്ട അമ്മു ഭക്ഷണം കഴിക്കാൻ തുടങ്ങി ഒപ്പം അർജുനും
അർജുൻ : വേറെ വല്ലതും പറയണോ അമ്മു
അമ്മു : വേണ്ട ഇത് തന്നെ കൂടുതലാ
അല്പനേരത്തിനുള്ളിൽ ഭക്ഷണം കഴിച്ച അവർ കിടന്നു
അർജുൻ : എന്താ അമ്മു കൈ നോവുന്നുണ്ടോ
അമ്മു : ഉം.. ഇപ്പോൾ ചെറുതായിട്ട് വേദന കൂടുന്നുണ്ട്
അർജുൻ : കണക്കായിപോയി… നീ എന്താ അമ്മു വല്ല ബ്ലാക്ക് ബെൽറ്റുമാണോ മതില് കണ്ണാടി എവിയൊക്കെയാ ഇടിക്കുന്നെ
അമ്മു : ബ്ലാക്ക് ബെൽറ്റ് ഒന്നുമല്ല പക്ഷെ കുറച്ച് കാലം ബോക്സിങ് പഠിച്ചിട്ടുണ്ട്
അർജുൻ : ഓഹ് അപ്പോൾ പിന്നെ എവിടെ വേണമെങ്കിലും ഇരിക്കാലോ അല്ലേ
അമ്മു : അജൂന് എന്നോട് ദേഷ്യമാണോ
അർജുൻ : അതെ അതുകൊണ്ടാണല്ലോ ഈ രാത്രി എല്ലാം വിട്ട് നിന്നെയും കൊണ്ടിറങ്ങിയത്
ഇത് കേട്ട അമ്മു അർജുനടുത്തേക്ക്‌ കൂടുതൽ നീങ്ങി കിടന്ന ശേഷം അവനെ കെട്ടിപിടിച്ചു
അർജുൻ : ഇനി ഇങ്ങനെ എന്തെങ്കിലും കാണിച്ചാൽ ഉണ്ടല്ലോ അമ്മു ഇത് ഞാൻ എപ്പോഴും പറയുന്നത് പോലെയല്ല