Posted by അമ്മു : ഉം… പിന്നെയുണ്ടല്ലോ അജു ഈ വീട് കുറേ നാൾ അടഞ്ഞുകിടന്നതല്ലേ ഇവിടെ വല്ല ഗോസ്റ്റും ഉണ്ടാകുമോ
അർജുൻ : ഒന്ന് മിണ്ടാതിരിക്ക്‌ അമ്മു മനുഷ്യനെ വെറുതെ പേടിപ്പിക്കാനായിട്ട്
അമ്മു : അജു എന്തിനാ പേടിക്കുന്നെ കൂടെ ഞാൻ ഇല്ലേ ഏത് ഗോസ്റ്റ് വന്നാലും ഞാൻ ഇടിച്ചോടിച്ചോളാം പോരെ 😁
ഇത്രയും പറഞ്ഞു അമ്മു ചിരിച്ചു
അർജുൻ : വളിച്ച കോമഡി സ്വയം പറഞ്ഞിട്ടായാലും നീ ഒന്ന് ചിരിച്ചല്ലോ അത് മതി
അമ്മു : ദേ അജു നോക്കിക്കോ…
അർജുൻ : എപ്പോഴും ദാ ഇത് പോലെ ചിരിച്ച മുഖത്തോടെ ഇരിക്കണം മനസ്സിലായോ എനിക്ക് അതാ ഇഷ്ടം അപ്പോൾ പ്രശ്നങ്ങളൊക്കെ തനിയേ മാറിക്കോളും
ഇത്രയും പറഞ്ഞ ശേഷം അർജുൻ തന്റെ ഫോണിൽ എന്തോ നോക്കാൻ തുടങ്ങി
അമ്മു : അജു എന്താ നോക്കുന്നെ
അർജുൻ : ഹേയ് ഒന്നുമില്ല നീ ഉറങ്ങിക്കോ
ഇത്രയും പറഞ്ഞു ഫോൺ മാറ്റിവച്ച ശേഷം അർജുൻ കണ്ണടച്ചു
*********************
പിറ്റേന്ന് രാവിലെ
അമ്മു : ഇതാ ചൂട് ചായ കുടിച്ചേ…. പാലില്ല അതുകൊണ്ട് കട്ടനാ
ഇത് കേട്ട അർജുൻ ചായ വാങ്ങി കുടിക്കാൻ തുടങ്ങി
അമ്മു : കൊള്ളാമോ
അർജുൻ : നീ എനിക്ക് എന്നും ചായ തരുന്നതല്ലേ ഇന്ന് മാത്രമെന്താ പ്രത്തേകിച്ച് കൊള്ളാമോ എന്നൊരു ചോദ്യം
അമ്മു : പുതിയ വീട്ടിൽ വന്നിട്ട് ആദ്യമായി ഇട്ടതല്ലേ അതുകൊണ്ട് ചോദിച്ചതാ
അർജുൻ : ഓഹ് അങ്ങനെ… കൊള്ളാമോ എന്ന് ചോദിച്ചാൽ അതി ഗംഭീരം എന്നൊന്നും പറയാൻ പറ്റില്ല പക്ഷെ മോശമല്ല എനിക്ക് ഇഷ്ടമാ പോരെ