🏘️ബോസ്റ്റൻ ബംഗ്ലാവ് 20 [Gladiator]

പഴയത് പോലെ വസ്ത്രങ്ങൾ മാറിയ ശേഷം അമ്മയും മകനും തിരികെ അതിഥികളുടെ അടുത്തേക്ക് ചെന്നു.

☀️☀️☀️

പുതുവത്സര ദിനത്തിൽ ദിവ്യ ഉണർന്നത് പുതുവത്സര രാത്രി വ്യത്യസ്തമായ രീതികളിൽ ആഘോഷിച്ചതിന്റെ വേറിട്ട ഓർമ്മയോടെയാണ്.ഏതോ സിനിമയിൽ പറയും പോലെ “എവിടെയൊ എന്തൊക്കെ തകരാറുള്ളത് പോലെ അവൾക്ക് തോന്നി.രാത്രി മദ്യപിച്ചതിന്റെ ഹാങ്ങോവറിൽ തോന്നുന്നതാണോ…? പക്ഷെ ആകെ ഒരു ഗ്ലാസ്സ് ജിന്നും 2 ഗ്ലാസ്സ് വൈനുമാണ് കുടിച്ചത്. ക്ലോക്കിൽ കൃത്യം 12 മണി മുഴങ്ങിയപ്പോൾ തന്നെ ഡാനിയേലിന്റെ ചുണ്ടിൽ ചുംബിച്ചുകൊണ്ട് ന്യൂ ഇയറിലേക്ക് കടന്നത് ദിവ്യ ഓർത്തെടുത്തു.ആ ഓർമ്മ അവളെ കുളിരു കോരിച്ചു.പക്ഷെ അതിന് ശേഷം തന്റെ പ്രിയ സുഹൃത്ത്‌ ഡെയ്സിയെ ചുംബിച്ചുകൊണ്ട് താൻ പുതുവത്സരത്തെ സ്വാഗതം ചെയ്തതും ദിവ്യയുടെ ഓർമ്മയിലേക്ക് ഓടിയെത്തി.അതിന് ശേഷം ന്യൂ ഇയർ പാർട്ടിയിൽ പങ്കുചേർന്നതും അവളുടെ ഓർമയിലേക്ക് വന്നു. മനസിലേക്ക് വന്ന ഓർമകൾ എല്ലാം തന്നെ 100% സത്യമായവയായി അവൾക്ക് തോന്നി.പക്ഷെ…പക്ഷെ.എങ്ങനെയാണു 2 തവണ ന്യൂ ഇയർ ആഘോഷിക്കുന്നത്..? അതും രണ്ട് പേരുടെ കൂടെ രണ്ട് സ്ഥലത്..അതും ഒരെ സമയം..? ദിവ്യക്ക് ഓർത്തപ്പോൾ തന്നെ തല പൊട്ടുന്നത് പോലെ തോന്നി.

ബംഗ്ലാവിൽ രാവിലെ ഉറക്കമുണർന്ന പലരുടെയും അവസ്ഥ അത് തന്നെയായിരുന്നു.പോത്ത് പോലെ തന്റെ അരികിൽ കിടന്നുറങ്ങിയ ഭർത്താവിന്റ അരികിൽ നിന്നും റിയ മെല്ലെ എഴുനേറ്റു.പുതുവത്സര രാത്രി ഡാനിയേൽ ചേട്ടത്തിയായ തന്റെയൊപ്പം ആഘോഷിച്ചതിന്റെ സന്തോഷത്തിൽ ആയിരുന്നു റിയ. പക്ഷേ ന്യൂ ഇയർ സമയം ഡാനിയേൽ തന്നെ മൈൻഡ് ചെയ്യാതെ ഡൈസിയുടെ സുഹൃത്ത്‌ ദിവ്യയേയും കൂട്ടി സംസാരിക്കാനായി മാറിപ്പോകുന്നതായും, പിന്നെ ഡെയ്സിയേയും കൂട്ടി സംസാരിക്കാൻ പോകുന്നതായും,ഏറ്റവും ഒടുവിൽ അമ്മയുടെ അടുത്തേക്ക് തന്നെ തനിച്ചാക്കി പോകുന്നതും ഒക്കെ അവളുടെ ഓർമ്മയിലേക്ക് വന്നു. ഇതെന്താ ഇങ്ങനെ..? എല്ലാം നടന്നത് പോലെ തോന്നുന്നു..പക്ഷേ ഇതെല്ലാം കൂടി ഒരുമിച്ച് അങ്ങനെ നടക്കും…ഓർത്തപ്പോൾ തന്നെ റിയയ്ക്ക് തല കറങ്ങുന്നത് പോലെ തോന്നി