🏘️ബോസ്റ്റൻ ബംഗ്ലാവ് 20 [Gladiator]

“ന്യൂയർ ആകാൻ 5 മിനുറ്റ് കൂടെ…” ഹാളിലെ അതിഥികൾ ആരവമിട്ടു.

“ഡെയ്സി…നീയൊന്ന് വന്നെ.. ഒരു കാര്യം പറയാനുണ്ട്..”ചേട്ടത്തിയുടെ കയ്യിൽ നിന്നും പിടി വിട്ടുകൊണ്ട് ഡാനിയേൽ ഡെയ്സിയോട് പറഞ്ഞു.

“ഓക്കേ…”ചേട്ടത്തിയുടെ കൈ വിട്ടതും ഡാനിയുടെ ആ കൈയിൽ ഡെയ്സി പിടിച്ചു.

“ഞങ്ങളിപ്പോൾ വരാം..” തന്നെ നോക്കി നെറ്റി ചുളിച്ച ചേട്ടത്തിയെ നോക്കി ഡാനിയൽ കണ്ണിറുക്കി. എന്തോ ഓർത്തെടുക്കാൻ ശ്രമിക്കുന്നത് പോലെ വിചിത്രമായ മുഖഭാവത്തിൽ നിൽക്കുകയായിരുന്നു ദിവ്യ.

ഡാനിയുടെ കൈ പിടിച്ചു മെയിൻ ഹാളിലെ അതിഥികളുടെ അരികിൽ നിന്നും നടന്നകന്ന ഡെയ്സി ദിവ്യക്ക് കമ്പനി നൽകാൻ കണ്ണുകൊണ്ട് ചേട്ടത്തിക്ക് നിർദേശം നൽകി.

“ന്യൂ ഇയർ ആകാൻ 5 മിനുട്ട് കൂടെ ഉള്ളു…. ന്യൂ ഇയർ ആഘാഷിക്കാൻ എന്റെ കയ്യിലൊരു ഐഡിയ ഉണ്ട്” ഡാനിയേൽ ഡെയ്സിയുടെ കാതിൽ എന്തോ സ്വകാര്യം പറഞ്ഞു. അത് കേട്ട ഡെയ്സി ചിരിച്ചുകൊണ്ട് തലയാട്ടി.

5-6 പേര് കൂടി നിന്ന് സംസാരിക്കുന്നതിനു അടുത്തേക് ഡാനിയുടെ കയ്യും പിടിച്ചു ഡെയ്സി വന്നുനിന്നു.

അവരുടെ അമ്മയായ ജൂലി, പിന്നെ ലൈല, കോളേജ് പ്രിൻസിപ്പൽ ആയ ഡയാന മാഡം, അവരുടെ ഭർത്താവും ഒപ്പം അവരുടെ മകനും ഡെയ്സിയുടെ മുൻ കാമുകനുംകൂടിയായ ആദവും ആ കൂട്ടത്തിൽ ഉണ്ടായിരുന്നു.തന്റെ മുൻ കാമുകിയായിരുന്ന ഡെയ്സിയുടെ മുഖത്തേക്ക് നോക്കാൻ താല്പര്യം ഇല്ലാത്തതിനാൽ ആദം നിലത്തേക്ക് നോക്കി നിൽക്കുകയായിരുന്നു.

“ലൈല…ഡയന ടീച്ചർ…”ഡെയ്സി അവരെ നോക്കി ചിരിച്ചു. “ ഒരു 5 മിനിറ്റ്.. ഒന്ന് വരാമോ…?” കൂട്ടത്തിൽ നിന്ന അവരോട് മാത്രമായി ഡെയ്സി ചോദിച്ചു.