🏘️ബോസ്റ്റൻ ബംഗ്ലാവ് 20 [Gladiator]

ദിവ്യയുടെ ചുണ്ടിൽ നിന്നും വായ അകറ്റിയ ഡെയ്സി ദിവ്യയുടെ മുഖമാകെ നക്കി തുടച്ചെടുത്ത ശേഷം അവളുടെ ചെവിയിൽ ചെറിയൊരു കടി കൊടുത്ത ശേഷം നാവ് കൊണ്ടവളുടെ ചെവി നക്കി തുടച്ചു.ആ സമയം ജനാലയിലൂടെ പുറത്തേക്ക് നോക്കിയ ഡെയ്സി ബംഗ്ലാവിന് താഴെ പ്രെഗ്നന്റ് ആയൊരു സ്ത്രീ തങ്ങളെ നോക്കി നില്കുന്നത് ശ്രദ്ധിച്ചു.ഗർഭിണിയായ ആ സ്ത്രീ ഈ ബംഗ്ലാവിന്റെയും, തന്റെയും എല്ലാ സുഖത്തിന്റെയും കാരണക്കാരിയാണെന്ന് മനസിലായ ഡെയ്സി ദിവ്യയുടെ ചെവി നക്കികൊണ്ട് തന്നെ കത്രീനയെ കൈ വീശി കാണിച്ചു. താഴെ നിന്ന കത്രീനയും തിരികെ കൈ വീശി കാണിച്ചു.

അൽപനേരം കൂടെ ചുംബനം തുടർന്ന ശേഷം ഡെയ്സിയും ദിവ്യയും മെയിൻ ഹാളിലേക്ക് തിരികെ വന്ന് ന്യൂ ഇയർ പാർട്ടിയിൽ ജോയിൻ ചെയ്തു.

🔸🔸🔸🕣

“ടിക്…ടിക്…” ഹാളിൽ അത്രയും പേര് നിന്ന് സംസാരിക്കുകയായിരുന്നിട്ടും ബംഗ്ലാവിൽ ഇടയ്ക്ക് ഇടയ്ക്ക് കേള്കുന്ന ക്ലോക്കിന്റെ ശബ്ദം ഡെയ്സിയുടെ കാതിൽ പതിഞ്ഞു

“മ്മ്…ചെറുതായി ക്ലോക്കിന്റെ ശബ്ദം കേൾക്കുന്നുണ്ട്…എന്നാലും ഈ ക്ലോക്കിത് എവിടെയാ ഇരിക്കുന്നത്..?, ഇതുവരെ നേരിൽ കാണാൻ പറ്റിയിട്ടില്ല.”കണ്ണ് തുറന്നുകൊണ്ട് ഡെയ്സി പറഞ്ഞു.

ഡാനിയുടെയും ഡെയ്സിയുടേയം സംസാരം കേട്ട് അരികിൽ നിന്ന് ദിവ്യ തനിക്ക് എന്തെങ്കിലും ശബ്ദം കേൾക്കാൻ സാധിക്കുമോ എന്ന് അറിയാൻ വേണ്ടി കണ്ണുകൾ അടച്ച് കാത് കൂർപ്പിച്ചുനോക്കി.എന്നാൽ ഹാളിലെ അതിഥികളുടെ സംസാരവും,അരികിലായി ചിമ്മിനിയിൽ കത്തി കൊണ്ടിരിക്കുന്ന വിറക് പൊട്ടുന്ന ശബ്ദവും മാത്രമേ അവൾക്ക് കേൾക്കാൻ സാധിച്ചുള്ളൂ.