Posted by നാല് കിലോമീറ്റർ കൂടിഓടി വൈത്തിരി ടൗണിൽ നിന്നും ഇടത്തോട്ട് തിരിഞ്ഞു. അവർ അയച്ച് തന്ന ലൊക്കേഷൻ നോക്കിയാണ് യാത്ര..
ബാണാസുര സാഗർ ഡാം 26 കി.മി..
എന്ന ബോർഡ് രജനി വായിച്ചു.
അതിനടുത്താണ് റിസോട്ട്..
തേയിലത്തോട്ടങ്ങൾക്കിടയിലൂടെയുള്ള റോഡിലൂടെ ഗോപിക ആസ്വദിച്ച് വണ്ടിയോടിച്ചു.
ചുരത്തിലുള്ള കോടമഞ്ഞ് ഇവിടെയില്ലെങ്കിലും നല്ല തണുപ്പുണ്ട്.
കുറേദൂരം ഓടി കുറേ വണ്ടികൾ നിർത്തിയിട്ട ഒരു പാർക്കിംഗ് കണ്ടു.എതിർ ഭാഗത്തെ ബോർഡിൽ, ബാണാസുരാ സാഗർ ഡാം എൻട്രൻസ് എന്നെഴുതിയിരിക്കുന്നു.
ഡാമിലേക്കുളള പ്രവേശന കവാടമാണ്. അവർക്ക് പോവേണ്ടത് നേരെയാണ്.രജനി റൂട്ട് മാപ്പ് നോക്കി വണ്ടി മുന്നോട്ടെടുക്കാൻ പറഞ്ഞു.
ഡാമിനെ ചുറ്റിയാണ് ആ റോഡ് പോകുന്നത്. അതിലൂടെ കുറച്ച് ദൂരം കൂടി പോയി. ഇരു ഭാഗത്തും ഫലഭൂയിഷ്ടമായ കൃഷിയിടങ്ങളാണ്.
ദൂരെ അവർ ബുക്ക് ചെയ്ത റിസോട്ടിന്റെ ബോർഡ് കണ്ടു.
അവിടേക്ക് ഗോപിക വണ്ടി തിരിച്ചു. മലമുകളിലേക്കുള്ള ഒരു റോഡാണ്. കയറ്റം കയറുമ്പോ അവിടെ കെട്ടിടങ്ങളൊന്നും കണ്ടില്ല.
മലമുകളിലെത്തിയപ്പോ മലയുടെ അടിവാരത്ത് അങ്ങിങ്ങായി തൊപ്പിക്കുടകൾ വെച്ചത് പോലെ ധാരാളം കോട്ടേജുകൾ..ആ മലയാകെ ഒരൊറ്റ റിസോട്ടാണ്..
കൃത്യമായ അകലമിട്ടാണ് ഓരോ കോട്ടേജും.
ഗോപിക പാർക്കിംഗിലേക്ക് വണ്ടിയൊതുക്കി.
ബാഗുകളെല്ലാമെടുത്ത് മൂന്നാളും പുറത്തിറങ്ങി. ശക്തമായ കാറ്റാണ്. അവർ റിസപ്ഷനിലേക്ക്ചെന്ന് ചെക്കിൻ ചെയ്തു.
ഭക്ഷണം ഒർഡറനുസരിച്ച് അവർ റൂമിലേക്ക് സെർവ് ചെയ്യും..അല്ലെങ്കിൽ അവിടെത്തന്നെയുള്ള റസ്റ്റോറന്റിൽ പോയി കഴിക്കാം.. ഉള്ളിൽ തന്നെ ബാറുമുണ്ട്..