Posted by ജിത്ത് കയ്യും കഴുകി സോഫയിൽ വന്നിരുന്നു. അവളും കൈ കഴുകി വന്ന് അവന്റെ അരികിലായിരുന്നു. പിന്നെ അവരുടെ റിലേഷൻ വളർന്നുവന്ന കാര്യങ്ങൾ ഓരോന്നായി വള്ളി പുള്ളി തെറ്റാതെ സകലതും അവനോടാവൾ തുറന്നു പറഞ്ഞു. നല്ല ഒരു കേഴ്‌വിക്കാരൻ ആയി ജിത്തും അവളുടെ കഥകൾ കേട്ടിരുന്നു. ശരീരം വരെ പങ്കിട്ടു എന്നവൾ അവനോട് പറയാതെ പറഞ്ഞു.
ആ സംസാരം നീണ്ടു പോകുന്നതിന്റെ ഇടയിലാണ് കാളിങ് ബെൽ അടിച്ചത്. സാറതന്നെ ഓടി പോയി കതക് തുറന്നു. പ്രതീക്ഷിച്ചപോലെ ചേച്ചിയും, കാർത്തിക് മോനും ആയിരുന്നു. പിന്നെ കെട്ടിപിടിക്കലും ഉമ്മവപ്പും ഒക്കെയായി ബഹളമായി അവിടെ.
“നീയെന്റെ ജിത്തുമോനെ പരിചയപെട്ടോ സാറ?”. ചേച്ചി അതിനിടയിൽ ചിരിച്ചുകൊണ്ട് ജിത്തിനെ നോക്കി സാറയോടായി ചോദിച്ചു.
“അതിനിപ്പോ അവനെ പരിചയപ്പെടനെന്താ?. ഇപ്പോൾ അവനെ കണ്ടുന്നല്ലേ ഉള്ളു. കേട്ടു കേട്ട് എനിക്ക് നല്ല പരിചയം അല്ലേ. ഞങ്ങൾ നല്ല ഫ്രണ്ട്സ് ആയി അല്ലേ ജിത്തേ?. സാറ ജിത്തിനെ നോക്കി ചിരിച്ചു.
അതേ എന്ന് അവനും ചിരിച്ചുകൊണ്ട് തലയാട്ടി. ചേച്ചിയും സാറയും കൂടി വിശേഷങ്ങൾ ഒക്കെ പറഞ്ഞു ബെഡ്റൂമിലേക്ക് കയറി. ജിത്ത് കാർത്തിക്കിന്റെ സ്കൂൾ വിശേഷങ്ങൾ ഒക്കെ കേട്ട് ഫ്രണ്ട്റൂമിൽ ഇരുന്നു.
കുറച്ചു കഴിഞ്ഞു സാറ ഇറങ്ങി വന്നു. “ജിത്തേ ബിസി അല്ലെങ്കിൽ എന്റെ കൂടെ ഒന്ന് റൂമിലേക്ക് വരുമോ, കുറച്ചു പണിയുണ്ട് ഒന്ന് ഹെല്പ് ചെയ്യുമോ?”. സാറ ജിത്തിന് മുൻപിൽ നിന്ന് ചോദിച്ചു. ജിത്ത് ചേച്ചിയെ നോക്കിയപ്പോൾ ചെല്ലാൻ അവളും തലകൊണ്ട് ആംഗ്യം കാണിച്ചു.