Posted by
ഞാൻ തിരിച്ചെത്തുമ്പോൾ അച്ഛൻ സിറ്റിംഗ് റൂമിൽ വെള്ളമടിക്കുള്ള സെറ്റപ്പ് റെഡിയാക്കുകയായിരിന്നു…. അച്ഛന്റെ ഫേവറിറ്റ് ബ്രാന്റായ ബ്ലാക്ക് ആൻഡ് വൈറ്റ് വിസ്‌ക്കിയുടെ ഒരു ഫുൾ ബോട്ടിലും പിന്നെയൊരു കുപ്പി റെഡ് വൈനും മേശപ്പുറത്ത് നിരത്തി വെച്ചത് കണ്ടു…. വല്ലപ്പോഴുമൊക്കെ ഞങ്ങൾ മൂന്നുപേരും ഇങ്ങനെ ഒത്തുകൂടാറുണ്ട്, അപ്പോൾ അച്ഛൻ വിസ്‌ക്കിയും ഞാനും അമ്മയും വൈനും കുടിക്കും… പിന്നെ ഒരുമിച്ചിരുന്ന് ഏതേലും സിനിമ കാണും അല്ലെങ്കിൽ വെറുതെ സംസാരിച്ച് ഇരിക്കും…. അപ്പോൾ അതുപോലെ ഒരു പരിപാടിയാണ് അച്ഛൻ ഇന്ന് പ്ലാൻ ചെയ്തിരിക്കുന്നത് എന്ന് മനസിലായി…. കേക്ക് അവിടെ വെച്ചിട്ട് ഞാനെന്റെ മുറിയിലേക്ക് വന്നു…. എന്നിട്ടൊന്ന് കുളിച്ച് ഫ്രഷായി…. പിന്നെ ഒരു കയ്യില്ലാത്ത ബനിയനും കുട്ടിട്രൗസറുമിട്ട് താഴേക്കിറങ്ങി….
“““സ്നേഹേ ദാ ചെക്കനെത്തിട്ടോ”””
ഞാൻ കോണിപ്പടി ഇറങ്ങി വരുന്നത് കണ്ടപ്പോൾ സിറ്റിംഗ് റൂമിലിരുന്ന് അച്ഛൻ അടുക്കളയിലേക്ക് വിളിച്ച് പറയുന്നത് കേട്ടു…. പക്ഷെ അപ്പുറത്ത് നിന്ന് പ്രതികരണമൊന്നുമുണ്ടായില്ല…
“““നീയൊന്നുപോയി അമ്മേനെ സഹായിച്ച് കൊടുക്കെടാ…. ഇല്ലെങ്കിലവള് ഇപ്പൊന്നും വരില്ല”””
ഞാൻ ഇറങ്ങി ചെന്നപ്പോൾ അച്ഛൻ ആവശ്യപ്പെട്ടു….. കുപ്പി മുന്നിൽ വെച്ചിട്ട് പൊട്ടിച്ചടിക്കാൻ മുട്ടിയതിന്റെയാണ് ഈ തിരക്ക് കൂട്ടലെന്നെനിക്ക് മനസിലായി….. ഞാനതിന് തലയാട്ടി കൊണ്ട് എന്റെ മാതാശ്രീയെ സഹായിക്കാൻ വേണ്ടി അടുക്കളയിലേക്ക് നടന്നു…..