Posted by
“” എല്ലാം ചെയ്തത് ഞാനാണ്…! അതിൽ വേറാർക്കും പങ്കില്ല…! “” ന്നു കൂടി പറഞ്ഞതോടെ ഞാനവനെ പല്ലുകടിച്ചു നോക്കിയെങ്കിലും അതിന് പ്രത്യേകിച്ച് കാര്യമുണ്ടായില്ല…!
നായിന്റെമോൻ ആ മറ്റവളെ രക്ഷിക്കാൻ നോക്കുവാണ്…!
നന്മമരം കളിക്കാൻ നിക്കുന്ന അവനിട്ടൊന്ന് കൊടുക്കാൻ നിന്നെ എന്നെ യദു വിലക്കികൊണ്ട് പിന്നിലേക്ക് വലിക്കുവായിരുന്നു…! ആ സമയത്ത് അവന്റെ ഫോണിലൂതെല്ലാം അങ്ങ് കാട്ടികൊടുത്താലോന്ന് വരെ ഞാൻ ചിന്തിച്ചതാ…! പക്ഷെ നേരത്തെ ആ വിഡിയോയും പിന്നെ അവന്റെ ഫോണിലൂള്ളതെല്ലാം പ്രിൻസിയേ വേറാരേം കാണിക്കില്ലാന്ന് ഞാൻ വാക്കുകൊടുത്തുപോയി…!
അപ്പഴാണ് ഓഫീസിലേക്ക് ആരതി കേറി വരുന്നത്…! അതും ഒറ്റക്ക്…! പച്ചയിൽ ഗോൾഡൻ ഡിസൈനുള്ള സൽവാറോക്കെയിട്ട് ഒരുങ്ങിവന്ന അവള്ടെ നോട്ടം ആദ്യമേ ചെന്നത് അടികിട്ടി ഞെളുങ്ങിയ ആദർശിലേക്കാണ്…!
“” സർ എന്താ വരാമ്പറഞ്ഞെ…? “” ആദർശിന്റെ കോലം കണ്ട അവൾ അതിന്റെ അമ്പരപ്പ് മാറുന്നതിനുമുന്നേ കാര്യം തിരക്കി…!
നായിന്റെ മോൾടെ അഭിനയം കണ്ടില്ലേ, ഒന്നും അറിയാത്തപോലെ…! ഉള്ളിൽ തോന്നിയ കലി തല്ലിതീർക്കാൻ പറ്റാത്ത അവസ്ഥയിൽ ഞാനങ്ങനെ നിന്നു…!
ആരതിടെ സംശയം അധികം വൈകാതെ പ്രിൻസിപ്പാള് തീർത്തുകൊടുത്തെങ്കിലും അവളതെല്ലാം തള്ളിക്കളഞ്ഞ്,
“” നോ…! അതിവൻ തന്നെയാണ്…! ഞാനെന്റെ കണ്ണുകൊണ്ട് കണ്ടതാ…! “” അവളതേ നിൽപ്പിൽ എന്നെ ചൂണ്ടി അലറി…!
“” നോക്ക് കുട്ടി…! എല്ലാം ഇവൻ ഏറ്റതാണ്…! അതിന്റെ തെളിവുകൂടി ഇവരുടെ പക്കലുണ്ട്…! “” അതും പറഞ്ഞ് പ്രിൻസി സുരേഷ് സാറിന്റെ ഫോണ് വാങ്ങി ആ വീഡിയോ പ്ലേ ചെയ്യാൻ നിന്നതും ആദർശ് ഇടയ്ക്കുകേറി,