Posted by
പിന്നെപറയണോ…! എന്റെ ജീവിതത്തില് ഞാൻ കേക്കാത്ത തെറിയൊക്കെ രണ്ടുകൂട്ടരും വിളിക്കുന്നത് കേട്ടൂ…! ചെലതൊക്കെ കെട്ട് ‘ഇതേതാ ചേട്ടാ പുതിയതാണോ’ ന്ന് ചോദിക്കാൻ നാവ് തരിച്ചത…! പക്ഷെ ആ നാവ് അവര് വലിച്ച് പൊറത്തിട്ടാലോന്ന് തോന്നിയതോണ്ട് ചോദിച്ചില്ല…!
ഒരു വിതത്തിലവിടന്ന് എസ്‌കേപ്പടിച്ഛ് ഞാൻ വേറൊരു ഓട്ടോക്ക്‌ നേരെ കോളേജിലേക്ക് വിട്ടു…! ഇവർക്കൊക്കെ ഇങ്ങനെ വണ്ടിയൊടിക്കാൻ ഇനി പ്രത്യേക ട്രെയിനിങ് വല്ലോം കൊടുക്കണുണ്ടോ ആവോ…! അമ്മാതിരിയാണ് പോക്ക്…! അങ്ങനേലും വേഗോന്ന് എത്തിയമതീന്ന് വിചാരിച്ചിരിക്കുമ്പതാ മുന്നില് വല്ലാത്തൊരു ബ്ലോക്ക്…!
എല്ലാം കഴിഞ്ഞ് കോളേജിലെത്തുമ്പോ ഒന്നര രണ്ട് മണിക്കൂറായി…! ഓട്ടോക്കാരന് പൈസേം കൊടുത്ത് ബാക്കിവാങ്ങാതെ ഞാൻ കോളേജിന്റെ അകത്തേക്കോടി…! പാർക്കിങ്ങിലെല്ലാം പതിവിലും കൂടുതൽ വണ്ടികളുണ്ട്…! പോരാത്തേന് ടൂറിസ്റ്റ് ബസ്സുകളും…! ഇനി ടൂറ് പോവാൻ വിളിച്ചാതാണാവോ…?
കോളേജിക്ക് വരാൻ പറഞ്ഞതല്ലാതെ കോളേജില് ഏത് ഭാഗത്തേക്ക് വരണംന്ന് സാറ് പറഞ്ഞില്ലായിരുന്നു…! അതറിയാൻ വേണ്ടി ഞാൻ വിച്ചൂനെ വിളിക്കാൻ ഫോണെടുത്തതും ഒരുത്തനെന്റെ തോളിൽ കൈയിട്ടു…! അത് കിരണായിരുന്നു…!
“” നീയെന്താ ഇവടെ…? “” പാസ്സ് ഔട്ടായി പോയ അവനെ കണ്ട അങ്കലാപ്പിൽ ഞാനവനോട് ചോദിച്ചതും,
“” അതൊക്കെ പറയാ…! നീയാദ്യം വാ…! “” ന്നും പറഞ്ഞവനെന്നെ വലിച്ഛ് ഗ്രൗണ്ടിലേക്ക് നടന്നു…!