Posted by സാധാരണ അങ്ങനെ സംഭവിക്കാറുള്ളതാണ്……
ദയ ദേഷ്യം വരുമ്പോൾ മകളെ നോവിക്കും …
തനൂജ അത് ഇങ്ങനെയൊക്കെ മുതലെടുക്കാറുണ്ട്……
കിച്ചണിൽ നിന്ന് തിരികെ വന്ന ദയ ചായ നിറച്ച ഗ്ലാസ്സ് ടേബിളിനു മുകളിൽ ദേഷ്യത്തോടെ ഇടിച്ചു വെച്ചു……
തനൂജ അത് ശ്രദ്ധിക്കാതെ ചാനൽ മാറ്റി, കഴിപ്പു തുടർന്നു……
“ നീ എനിക്കും കൂടി എടുക്ക്…… “
പറഞ്ഞിട്ട് ദീപക് തനൂജയുടെ കയ്യിലിരുന്ന റിമോട്ട് വാങ്ങി …
തനൂജ തടസ്സമൊന്നും ഉന്നയിച്ചില്ല..
ദീപക് ചാനൽ മാറ്റി …
മരണ വാർത്തകളായിരുന്നു…
അമേരിക്കയിലെയും ജർമ്മനിയിലെയും പാശ്ചാത്യ നാടുകളിലെയും മരണ വാർത്തകൾ……
ദീപക് വാർത്തയിലേക്ക് ശ്രദ്ധ തിരിച്ചു……
ഇവിടെയിപ്പോൾ ലോക്ക് ഡൗൺ ആരംഭം മാത്രമാണ്……
എന്ന് തീരുമെന്ന് ഒരു ഊഹവുമില്ല……
കാപ്പി കുടി കഴിഞ്ഞതും ദീപക് മുറ്റത്തേക്കിറങ്ങി …
പിന്നാലെ ദയയും മുറ്റത്തേക്ക് വന്നു……
തനൂജ തന്റെ മുറിയിലേക്ക് കയറി……
ഫോണെടുത്ത് നോക്കിയപ്പോൾ ടെസ്സയുടെ കോൾ വന്നു കിടക്കുന്നു……
തിരികെ വിളിച്ചതും ഒറ്റ ബെല്ലിന് ടെസ്സ ഫോണെടുത്തു……
“” നീയെവിടെപ്പോയതാരുന്നെടീ…….? “”
“” ചായ കുടിക്കാൻ…….” “
“” നീ എഴുന്നേറ്റോ… ? ഞാനിവിടെ ബെഡ്ഡിലാ… “
“” എഴുന്നേറ്റില്ലേ…….?””
“” എഴുന്നേറ്റു… ബാത്റൂമിൽ പോയി ദാ , പിന്നേം വന്നു കിടന്നു…… “
“” പപ്പായും മമ്മിയുമോ… ?””
“” ആർക്കറിയാം… “
“”ങ്ഹാ… ബെസ്റ്റ്…””
“” പിന്നേ…… ഞാൻ നിന്നേപ്പോലെ പപ്പയുടെ പിന്നാലെ തൂങ്ങി നടക്കുകയല്ലേ… ?””
“” അതിന് എന്റെ അച്ഛന്റെ അത്രയും ഗ്ലാമർ നിന്റെ പപ്പയ്ക്കില്ലാത്തതിന് എന്നോട് ദേഷ്യപ്പെടുന്നതെന്തിനാ…? “”