Posted by തേൻ മിഠായി ഓരോന്ന് ഓരോന്ന് നുണഞ്ഞ് തിന്ന് കൊണ്ട് ചിന്നൻ കല്യാണ രാമൻ സിനിമയും കണ്ടു കൊണ്ടിരിക്കുന്നു .
എന്നെ കണ്ടതും അവൻ കള്ളത്തരം മറക്കുന്ന പോലെ തേൻ മിഠായി പഴത്തിൻ്റെ കവറിലേക്ക് ഇട്ടിട്ട് ആ കവർ പിറകിൽ ഒളിച്ച് വെച്ചു .
” നീ എന്താ ചിന്നാ തിന്നുകൊണ്ടിരുന്നത് ? ”
” ഒന്നുമില്ല ചേറ്റായി ”
അവൻ കൊഞ്ചിക്കൊണ്ട് തെല്ല് ഭയന്ന് എന്നോട് പറഞ്ഞു .
” ചേട്ടായിയോട് നുണ പറയാതെ ആ പിറകിലെ കവർ ഇങ്ങ് കാണിക്ക്.
അവൻ മടിച്ച് മടിച്ച് വെളുത്ത ഷിമ്മി കവർ എൻ്റെ കയ്യിൽ തന്നു .
” മോന് ഇത് വാങ്ങാൻ ആരാ പൈസ തന്നത് ? ”
” ആരും റ്റന്നില്ല ”
” പിന്നെ ഇത് എവിടന്നാ മോന് ”
” കൂറ്റാരൻ കൊൻ്റോന്നാ ”
” നുണ പറയരുത് എന്നോട് ‘ മോന് ആരാ തന്നത് ” ?
” അട് പാരുവമ്മ റ്റന്നതാ ”
” ആ ‘ അത് പറഞ്ഞാൽ പോരെ . നുണ പറയണ്ട കാര്യമുണ്ടോ മോന് ? !
ഞാൻ ആ കവർ അവനെ ഏൽപിച്ച് ഊണും കഴിച്ച് പണി സ്ഥലത്തേക്ക് സൈക്കിളും ചവിട്ടി പോയി .
പോണ വഴി പാറുവമ്മയുടെ കടയിൽ കയറി .
നീല ബ്ലൗസും കാവി മുണ്ടും ഉടുത്ത് കുളി കഴിഞ്ഞ് കടയിൽ ഇരുന്ന പാറുവമ്മ എന്നെ കണ്ടതും ഒന്ന് പരുങ്ങി ‘
” എന്താ മോനെ ? എന്താ വേണ്ടിയേ ? ”
” ഏയ് ഒന്നും വേണ്ട . പാറുവമ്മ ചിന്നന് പഴോം സാധനങ്ങളും കൊടുത്തിരുന്നോ ? ”
” ആ ” കുഞ്ഞ് വീട്ടിൽ ഒറ്റക്ക് ഇരിപ്പല്ലെ ‘ അതോണ്ട് ചുമ്മ കൊടുത്തതാ . എന്താ കുട്ടാ ? ”
” ഏയ് ഒന്നുമില്ല . അവൻ പറഞ്ഞു പാറുവമ്മ തന്നതാന്ന് . നേരാണോന്ന് അറിയാൻ വേണ്ടി ചോദിച്ചതാ ? i
” മോൻ സംഭാരം കുടിക്കണുണ്ടോ ? ”
” വേണ്ട പാറുവമ്മേ ” സമയം വൈകി . പിന്നെയാവാം “