Posted by അനീറ്റയുടെ സ്നേഹം താൻ സ്വീകരിക്കാൻ തയ്യാറായാൽ അത് റിൻസിയോട് ചെയ്യുന്ന ചതി ആണ്. പക്ഷെ താൻ റിൻസിയെ സ്നേഹിക്കുന്നത് ആർക്കും അറിയുകയില്ല. റിൻസിക്കൂ പോലും.ഒരു പക്ഷെ റിൻസിക് തന്നെ ഇഷ്ടം അല്ല എങ്കിൽ.. അനീറ്റയുടെ സ്നേഹം സ്വീകരിക്കുന്നതിൽ തെറ്റില്ലല്ലോ. ഇനി റിൻസിക്കും തന്നെ ഇഷ്ടം ആണെങ്കിലോ. താൻ ആരോടും പറയാതെ മനസ്സിൽ കൊണ്ട് നടന്ന പോലെ റിൻസിയും പറയാതെ കൊണ്ട് നടക്കുകയാണെങ്കിലോ…
ചിന്തകളിൽ മുഴുകിയ ഹിരണിനിനു വീണ്ടും തല വെട്ടി പോളിയാൻ തുടങ്ങി.
മാവിൻ ചുവട്ടിലിരുന്ന കുപ്പികൾ എല്ലാം ഓരോന്നെടുത്തു അവൻ വായിലേക്ക് കമഴ്ത്തി. കുപ്പിയുടെ അടിയിൽ കിടന്നിരുന്ന ചെറിയ തുള്ളികൾ പോലും അവൻ ആർത്തിയോടെ ഇറ്റിച്ചു കുടിച്ചു. എല്ലാ കുപ്പി കമഴ്ത്തിയിട്ടും ഒരു പെഗ് പോലും തികച്ചു കിട്ടാഞ്ഞതിന്റെ അമർഷം അവൻ അലറി തീർത്തു.
പോണം ഇപ്പൊ തന്നെ.. റിൻസിയെ കാണണം അവളോട്‌ എല്ലാം പറയണം.. മനസിലുള്ളത് മുഴുവനും അവളറിയണം….
ഹിരൺ ആരോടെന്നില്ലാതെ പറഞ്ഞു.
പോക്കറ്റിൽ കിടന്നിരുന്ന ഫോൺ എടുത്തു അവൻ നോക്കി.
റിൻസിയും അമ്മയുവോക്കെ വിളിച്ചിട്ടുണ്ട്. റിൻസിയുടെ കുറെ വോയിസ്‌ മെസ്സേജും. ഇടയ്ക്ക് വിളിക്കണം എന്ന് പറഞ്ഞത് താനാണ്. പക്ഷെ ഇന്ന് നടന്ന സംഭവങ്ങളിൽ മനസ്സ് കൈവിട്ടു പോയിരിക്കുന്നു.അവൾ വിളിച്ചതോ മെസ്സേജ് അയച്ചതോ ഒന്നും അറിഞ്ഞില്ല. വേണ്ട ഇനി അവളെ നേരിൽ കണ്ടു സംസാരിക്കാം അത് മതി.
ഹിരൺ ഫോണിൽ ബാംഗ്ലൂർ ബസിന്റെ ടൈം ഷെഡ്യൂൾ നോക്കി 12.45 നു കോട്ടയത്ത്‌ നിന്നും ഒരു കല്ലട ഉണ്ട്. ഇപ്പൊ സമയം 11.10 ഒന്നര മണിക്കൂറിൽ കൂടുതൽ ഓട്ടം ഉണ്ട് കോട്ടയത്തിനു. പക്ഷെ രാത്രി ആയതിനാൽ അധികം തിരക്കുണ്ടാവില്ല. ഇപ്പൊ പോയാൽ ആ ബസ് കിട്ടും സീറ്റ്‌ ഒഴിവുണ്ട്. ഇരട്ടി പൈസ കൊടുത്തായാലും പോയേ പറ്റു.