Posted by മനു തിരിച്ചു വന്നപ്പോൾ സമയം 7 കഴിഞ്ഞിരുന്നു. ഉച്ച മുതൽ ഓഫ്‌ ആണ് മൂന്ന് പേരും. അത് പിന്നെ സങ്കടം വന്നാലും സന്തോഷം വന്നാലും ചങ്കു ചങ്ങായിമാർ ഒപ്പം ഉണ്ടാകും അതിനി അടിച്ചു ഓഫ്‌ ആകുന്ന കാര്യത്തിൽ ആയാലും.
മാവിൻ ചുവട്ടിൽ കിടന്ന 3 എണ്ണത്തിനെയും എഴുന്നേൽപ്പിക്കാൻ നോക്കിയിട്ട് നടക്കാതെ വന്നതോടെ ഓരോരുത്തരെ ആയി മനു വലിച്ചും താങ്ങിയും കളത്തിന് അകത്തു എത്തിച്ചു.
തോംസനെ താങ്ങി എടുത്തു കിടത്തിയ മനു വലഞ്ഞു പോയി. അത്രയ്ക്കുണ്ടായിരുന്നു അവന്റെ ഭാരം.
ഇടയ്ക്ക് പോയും വന്നും ഫോണിൽ ഗെയിം കളിച്ചും ഒക്കെ മനു സമയം തള്ളി നീക്കി. പതിനൊന്നു മണി ഒക്കെ ആയപ്പോ ബോധമില്ലാത്ത മൂന്നെണ്ണത്തിനും വേണ്ടി ഫുഡ്‌ എടുക്കാൻ മനു വീട്ടിലേക്കു പോയി.
മനു പോയി അൽപ സമയം കഴിഞ്ഞതും ഹിരൺ ഞെട്ടിയുണർന്നു.
ചുറ്റും ഇരുട്ട് തല വെട്ടി പൊളിയുന്ന വേദനയും
തുറന്നു കിടന്നിരുന്ന വാതിലിലൂടെ അകത്തേക്ക് തെളിഞ്ഞിറങ്ങിയ നിലാവിന്റെ വെളിച്ചം കണ്ടു ഹിരൺ എഴുന്നേറ്റു പുറത്തേക്കു നടന്നു. അടിച്ചതിന്റെ കെട്ട് മാറാത്തതിനാൽ അവന്റെ ബാലൻസ് പോകുന്നുണ്ടായിരുന്നു. പുറത്തെ പൈപ്പിൽ തല മൊത്തമായി അവൻ നനച്ചു എടുത്തു.
തണുത്ത വെള്ളം തലയിലൂടെ ഏറെ നേരം വീണിറങ്ങിയതിൽ അവനു തെല്ലു ആശ്വാസം തോന്നി
ഇട്ടിരുന്ന ഷർട്ട്‌ ഊരി തല ഒന്ന് തൂവർത്തി ആടി ആടി അവൻ വീണ്ടും മാവിൻ ചുവട്ടിൽ ചെന്നിരുന്നു.
കഴിഞ്ഞു പോയ നിമിഷങ്ങൾ എല്ലാം വീണ്ടും അവന്റെ മനസ്സിൽ മിന്നി മറഞ്ഞു.
അനീറ്റ….. റിൻസി…..
രണ്ടു പേരും അവന്റെ ചുണ്ടിൽ വിരിഞ്ഞു.