Posted by അൽപ സമയം കഴിഞ്ഞു അനീറ്റയും കൂട്ടുകാരും അവിടെ നിന്നും മടങ്ങി.
അപ്പോളും ഹിരൺ അതെ ഇരിപ്പു തുടർന്നു.
എന്തോ ഒരു ഏകാന്തത അവനെ വല്ലാതെ പിടിച്ചുലച്ചു. രാവിലെ റിൻസിയെ പിരിഞ്ഞപ്പോൾ ഉണ്ടായ അതെ അവസ്ഥ ഇപ്പൊ അനീറ്റ പോയപ്പോളും. റിൻസിയെ താൻ എത്രത്തോളം ഇഷ്ടപ്പെടുകയും ആഗ്രഹിക്കുകയും ചെയ്യുന്നുവോ അത്ര തന്നെ അനീറ്റയെയും ആഗ്രഹിക്കുന്നുണ്ടോ അതാണോ ഇപ്പോ അവൾ പോയപ്പോൾ ഉണ്ടായ ഈ പിടച്ചിൽ. സത്യത്തിൽ ഇത്രയും നാള് ഇഷ്ടം അല്ല എന്ന് പറഞ്ഞതും പെരുമാറിയതും എല്ലാം സ്വയം ഒരു വിശ്വസിപ്പിക്കൽ മാത്രം ആയിരുന്നോ. അതെ അത് തന്നെയാണ് ശെരി.
റിൻസി തനിക്കു ആരാണോ അത് തന്നെയാണ് അനീറ്റയും.
ഹിരൺ കൈ എടുത്തു സ്വയം തലയ്ക്കടിച്ചു. മുഖം പിടിച്ച് വലിച്ചു കൊണ്ടവൻ അലറി കരഞ്ഞു.
കാര്യത്തിന്റെ ഏകദേശ രൂപം മനസിലായ തോംസൻ മനുവിനെ പറഞ്ഞു വിട്ടു രണ്ടു ബോട്ടിൽ മദ്യം വരുത്തിച്ചു. കാര്യ കാരണങ്ങൾ ആരും ചോദിച്ചില്ല പറഞ്ഞുമില്ല. ബോധം മറയുന്ന വരെ ഹിറണിനെ കുടിപ്പിക്കുക. അതായിരുന്നു തോംസൻ മനസ്സിൽ കണ്ടത്.
ഹിരണിനും അതായിരുന്നു വേണ്ടിയിരുന്നത്. ഒന്ന് ഉറങ്ങണം ബോധം ഇല്ലാതെ തന്നെ ഉറങ്ങണം.
കുടിച്ചതിന്റെ ആളവോ കണക്കോ ഒന്നും അറിയില്ല മാവിൻ ചുവട്ടിലെ തറയിൽ തന്നെ അവൻ കുടിച്ചു ബോധം കേട്ടു വീണു.ഒപ്പം എന്തിനും കൂടെ നിൽക്കുന്ന ചങ്കുകളായി തോംസനും വിവേകും. അവർക്കു കാവലായി മനുവും.
ഇടയ്ക്ക് ഒന്ന് വീട്ടിലേക്കു പോയ മനു തിരികെ പോന്നപ്പോൾ ഹിരണിന്റെ ബൈക്കും കൂടെ എടുത്തു. വണ്ടി വീട്ടിൽ ഇരിക്കുന്നത് കണ്ടാൽ ചിലപ്പോ അമ്മ തിരക്കും. കണ്ടില്ല എങ്കിൽ എന്തേലും അത്യാവശ്യം ആയിട്ട് പോയി എന്ന് പറഞ്ഞു വിശ്വസിപ്പിക്കാം എന്നും അവൻ കരുതി.