Posted by ഇരുവരും മിണ്ടിയില്ല…….
“ എന്റെ മുഖത്തു നോക്കി അങ്ങനെ പറയാൻ നിങ്ങൾക്കു പറ്റുമെങ്കിൽ നിങ്ങൾ പറയുന്നത് ഞാൻ കേൾക്കാം… നിങ്ങൾ ആൺകുട്ടികളാണെന്ന് അംഗീകരിക്കാം….അല്ലാതെ മറ്റുള്ളവരെപ്പോലെ മറ്റുള്ളവരോട് എന്റെ കാര്യം പറഞ്ഞു നടക്കരുത്…………’’
അയാൾ ടോണിയുടെ അടുത്തേക്ക് വന്നു…
ഷാഹുൽ ഒരു ചുവട് പിന്നിലേക്ക് മാറി…
ടോണിയുടെ താടിയിൽ പിടിച്ച് അയാൾ അവന്റെ മുഖം ഉയർത്തി…
“”ടെൽ… മി………. “
അയാളൊന്നു മുരണ്ടു…
“” പറയാൻ……..!!!””
അതൊരു ആജ്ഞയായിരുന്നു…
ടോണി കൺമുന്നിൽ വിറയ്ക്കുന്നത് വിറച്ചു കൊണ്ടു തന്നെ ഷാഹുലും കണ്ടു…
ഭ്രാന്തനാണ്……….
അതയാൾ തന്നെ സമ്മതിച്ചതുമാണ്……
അടി കിട്ടിയാൽ കൊണ്ടേ പറ്റൂ…
“ സാ…റിന് നല്ല… മുഴുത്ത വട്ടാണ് സാർ………. “
ടോണിയുടെ പതറിയ സ്വരം ഷാഹുൽ കേട്ടു…
ഷാഹുൽ കണ്ണുകളടച്ച് ചെവി വട്ടം പിടിച്ചു…
ഇപ്പോൾ പൊട്ടും അടി………!
പക്ഷേ, അടുത്ത നിമിഷം അയാളുടെ ഉച്ചത്തിലുള്ള ചിരിയാണ് കേട്ടത്……
നേരിയ ഭയത്തോടെ ഷാഹുൽ കണ്ണുകൾ തുറന്നു…
അതേ ചിരിയോടെ അയാൾ വലിയ മേശ മറികടന്ന് തന്റെ കസേരയിൽ പോയിരുന്നു…
ചിരി നിർത്താതെ തന്നെ അയാൾ കൈ കൊണ്ട് അവരോട് ഇരിക്കാൻ പറഞ്ഞു…
ഷാഹുൽ മടിച്ചാണ് ഇരുന്നത് ……. ടോണി അയാളുടെ മുഖത്തു നോക്കിക്കൊണ്ടു തന്നെ കസേരയിലിരുന്നു…
“” ഇനി കാര്യം പറ………. “
അയാൾ ചിരിയടക്കി കസേരയിലേക്ക് ചാഞ്ഞു…
“ സിസ്റ്റർ മിസ്സിംഗാണ്……….’….”
ടോണി പറഞ്ഞു…
“” അതിനു മറുപടിയും ഞാൻ പറഞ്ഞു… അതൊക്കെ അന്വേഷിക്കാൻ പൊലീസുണ്ടിവിടെ…….”
“” സർ വിചാരിക്കുന്നതു പോലെ ഒരു കേസ് അല്ല ഇത്………. “