Posted by അയാളുടെ മുഖത്ത് ഒരു ചിരി ടോണി കണ്ടു..
“” നിങ്ങൾ പോയി പൊലീസിൽ കംപ്ലയിന്റ് കൊടുക്കൂ… “
അയാൾ വട്ടത്തൊപ്പി തലയിൽ നിന്ന് ഒന്ന് എടുത്ത ശേഷം തിരികെ തന്നെ വെച്ചു…
“” നിങ്ങൾക്ക് പൈപ്പ് ശരിയാക്കാനറിയാമെങ്കിൽ അതൊന്ന് ചെയ്തു താ… അതിന്റെ കൂലി തന്നേക്കാം… “
അയാൾ എഴുന്നേൽക്കാൻ ഭാവിച്ചു..
“” പ്ലീസ് സർ……….”
ടോണി കസേരയിൽ നിന്ന് എഴുന്നേറ്റു…
അയാൾ തിരിഞ്ഞ് അവരെ ചുഴിഞ്ഞു നോക്കി…
“ ലുക്ക് ബോയ്സ്…… ഞാനിവിടെ ആർക്കും ഒരു ഉപദ്രവും ചെയ്യാതെ താമസിക്കുകയാണ്.. സൊ എന്നെ ഹരാസ് ചെയ്യരുത്…….”
“” അപ്പോൾ സർ അപ്പുറത്തെ റോഡിൽ ഒരു ബോർഡ് വെച്ചിരിക്കുന്നതോ… ?””
ഷാഹുൽ പെട്ടെന്ന് ചോദിച്ചു…
അയാൾ അവർക്കു നേരെ തിരിഞ്ഞ് പരിഹാസത്തോടെ ഒന്നു ചിരിച്ചു…
“” അതിപ്പോഴും അവിടെയുണ്ടോ… ? എങ്കിൽ നിങ്ങൾ പോകുമ്പോൾ അതെടുത്ത് ഇരുമ്പു കടയിൽ തൂക്കി വിറ്റേക്ക്… “
ഇരുവർക്കും ഒരു നിമിഷം മറുപടി കിട്ടിയില്ല…
“” ഞാൻ കരുതി എനിക്ക് ഭ്രാന്താണെന്ന് പറഞ്ഞു നടക്കുന്നവർ അത് തല്ലിപ്പൊളിച്ചു കാണുമെന്ന്… “
അയാൾ പിറുപിറുത്തു കൊണ്ട് അവർക്കു പിൻ തിരിഞ്ഞു..
“” സർ പ്ളീസ്………. “”
ടോണി ഒരു ചുവട് അയാളിലേക്കടുത്തു…
“” സർ മിലിട്ടറി ഇന്റലിജൻസിലായിരുന്നുവെന്ന് ഞങ്ങൾക്കറിയാം.. ഒരു ആക്സിഡന്റിൽ പെട്ടതു കൊണ്ടാണ് സാർ ഇവിടെ സെറ്റിലായതെന്നും ഞങ്ങൾക്കറിയാം…”
“ ബാക്കി പറ……….?””
അയാൾ തിരിഞ്ഞ് തീക്ഷ്ണതയോടെ അവനെ നോക്കി…
ടോണി മുഖം കുനിച്ചു…
“” പറയെടോ…””
അയാൾ ശബ്ദമുയർത്തി…
“” എനിക്ക് വട്ടാണെന്നും അതിന്റെ സർട്ടിഫിക്കറ്റുണ്ടെന്നും അതുകൊണ്ടാണ് എന്റെ ഭാര്യയും മക്കളും ഉപേക്ഷിച്ചു പോയതെന്നും പറയെടോ…””