Posted by “എങ്ങനെ?”
“സീന പറഞ്ഞില്ലേ ഐഷുവിന് മുൻപ് അനസ് വേറൊരു പെണ്ണിനെ കൊണ്ട് വന്നു വീഡിയോ എടുത്തെന്ന്.. ഐഷുന്റെ വീഡിയോയും അവന് മറ്റെന്തിനോ ആണെന്ന് സീനയോട് പറഞ്ഞെന്ന് ആഷിക് പറഞ്ഞില്ലേ.. ഇതെല്ലാം കൂട്ടി വായിച്ചാൽ അനസ് ആൻഡ് ടീം തന്നെ. പക്ഷേ ഇത് ഒറ്റക്ക് ചെയ്യാനുള്ള സെറ്റപ്പ് അവന് ഇല്ലാത്തതിനാലും, ആ പെണ്ണ് അയാളുടെ മരുമോൾ ആയതിനാലും ഇതെല്ലാം അബ്ദുക്കയുടെ അറിവോടെ ആകാൻ ആണ് കൂടുതൽ സാധ്യത.”
“അല്ല അങ്ങനെ ആണെങ്കിൽ അവളുടെ (മരുമോളുടെ ) വീഡിയോ അയാൾ എന്തിനു എടുക്കണം?”
“അത് അനസൊരു സ്വന്തം സേഫ്റ്റി നോക്കി ചെയ്തതാവും..”
“ഇങ്ങനെയാവാൻ സാധ്യതയില്ലാതില്ല..”
“എന്ത് ചെയ്യും?..”
“ആഷിക്നെ വിളിക്കുക.. ഐഷുന്റെ കാര്യത്തിന് വേണ്ടി എന്ന രീതിയിൽ എന്നിട്ട് അനസ് എവിടെയുണ്ട് എന്ന് കണ്ടെത്തുക ബാക്കിയൊക്കെ വഴിയേ…”
————————————————————-
ഇന്നാണ് ആ ദിവസം. ഞാൻ ഒന്ന് കൂടി സ്റ്റീറിങ്ങിൽ അമർത്തിപ്പിടിച്ചു. പിന്നെ മുന്നിലൂടെ പോകുന്ന വാഹന്ങ്ങളെ നോക്കിയിരുന്നു. .
ഗോൾഡ് ലോസ്റ്റ്‌ ആയിട്ട് ഒരാഴ്ച കഴിഞ്ഞിരുന്നു. ഇത് വരെയുള്ള കണക്ക് വച്ചു ഇന്ന് ഈ വഴി അനസും ടീമും ഗോൾഡ് മായി തേനിക്ക് പോകും. പക്ഷേ അവന്മാർ അവിടെ എത്തില്ല. ഞാൻ ക്ഷമയോടെ റോഡിലൂടെ ഇടയ്കിടയ്ക്ക് പാസ്സ് ചെയ്യുന്ന വാഹനങ്ങളെ നോക്കി ഉറച്ച മനസ്സോടെ ബൊലേറോ പിക് അപ്പിന്റെ കേബിനിൽ ഇരുന്നു.
———————————————————–