Posted by
കോഫീ കുടിച്ച ശേഷം ചേട്ടൻ വണ്ടിയും എടുത്തു പോയി ഫ്രെഷ് ബ്രെഡ്ഡും മുട്ടയും വാങ്ങിച്ചിട്ട് വന്നു. ബ്രെഡ് മുട്ടയില്‍ മുക്കി ചുട്ടെടുത്തു കഴിക്കാൻ എനിക്ക് ഭയങ്കര ഇഷ്ട്ടമാണ്. ഞാൻ അതിനെ വേഗം തയ്യാറാക്കി. എന്നിട്ട് ഞങ്ങൾ ഒരുമിച്ചിരുന്ന് കഴിച്ചു.
“ശെരി.. സമയം 08:10 ആയി. നി ചെന്ന് റെഡിയാവ്. നമുക്ക് പോകാം.” ചേട്ടൻ പറഞ്ഞതും ഞാൻ എന്റെ റൂമിൽ വന്നു.
റെഡിയായി ഞാൻ പുറത്ത്‌ വരുമ്പഴേ ചേട്ടൻ ഫോണില്‍ ആയിരുന്നു. എന്നെ ക്യാഷ്വലായി ഒന്ന് സ്വീപ് ചെയ്യുക മാത്രമാണ് ചെയ്തത്. ചേട്ടൻ എന്നെ ശെരിക്കും കാണുക പോലും ചെയ്തില്ലെന്ന് എനിക്ക് അറിയാമായിരുന്നു.
അര വരെ ഇറക്കമുള്ള, ഒരു മുക്കാല്‍ സ്ലീവ് ടോപ്പും ഗ്രേ കളർ ജീൻസുമാണ് ഇട്ടിരുന്നത്. ഇങ്ങനത്തെ ഡ്രസ് ചേട്ടന് വലിയ ഇഷ്ടമാണെന്ന് എനിക്ക് അറിയാമായിരുന്നു. ഫോണിൽ മുഴുകിയിരുന്നത് കാരണം ചേട്ടൻ എന്റെ ഡ്രസ് ഒന്നും ശ്രദ്ധിച്ചില്ല. എനിക്ക് സങ്കടവും ദേഷ്യവും വന്നു.
8:25 ന് ഞങ്ങൾ ഇറങ്ങി. ചേട്ടൻ എന്നെ മൈന്റ് ചെയ്യാതെ ആ വൃത്തികെട്ട ബ്ലൂടൂത്ത് ബഡ്ഡും കാതില്‍ കുത്തി ഫോണിൽ തന്നെ സംസാരം ആയിരുന്നു.
തുടർച്ചയായി ഓരോ കോൾ വരുന്നതും… ഇല്ലെങ്കില്‍ ചേട്ടൻ അങ്ങോട്ട് ആര്‍ക്കൊക്കേയോ കോൾ ചെയ്യുന്നതും… അങ്ങനെ ചേട്ടൻ വളരെ ബിസിയായിരുന്നു. എല്ലാം ബിസിനസ്സ് ബന്ധപ്പെട്ട കാര്യങ്ങളാണ് സംസാരിച്ചത്.. നിര്‍ദേശം കൊടുക്കലും, കാര്യങ്ങൾ ചോദിക്കലും… അങ്ങനെ എന്തൊക്കെയോ സംസാരിച്ച് കൊണ്ടിരുന്നു. ചേട്ടന്റെ ബിസിനസ്സ് കാര്യങ്ങൾ ആണെങ്കിൽ പോലും എനിക്ക് നല്ല ദേഷ്യം ഉണ്ടായി. ഞാൻ ഒന്നും മിണ്ടാതെ പുറത്തുള്ള കാഴ്ചകള്‍ നോക്കി ഇരുന്നു.