Posted by മുസ്തഫ :പേടിക്കണ്ട അവൻ ഇങ്ങോട്ട് വന്ന ബൈക്ക് ഇനി പടച്ചോൻ വന്നാൽ പോലും കിട്ടില്ല. ഇനി അതിനൊരു തെളിവ് ഇല്ല.. ഇവൻ ഒരു സാത്താന്റെ ജന്മം ആയിരുന്നു അതാണ് ഒരു നായ പോലും മണത്തു വരാതെ ഇരിക്കാൻ പൊന്ന് തമ്പുരാൻ മഴ അയച്ചത്….
കുട്ടൻ അവന്റെ തോളിൽ തട്ടി.. നന്ദിനിയെ കൂട്ടി ഫ്ലാറ്റിലേക്ക് പോയി… റൂമിൽ ചെന്ന് നനഞ്ഞ ഡ്രെസ്സുകൾക്ക് പകരം… മാറ്റി ഉടുക്കുവാൻ ഒന്നും ഇല്ലാതെ അവൾ ബുദ്ധിമുട്ടിയപ്പോൾ… കുട്ടൻ വന്നു റൂമിന്റെ കതക് മുട്ടി… അവൾ കതക് തുറന്നു.. അവൾക്ക് നേരെ ഒരു പൊതി മാത്രം നീട്ടി പിടിച്ചു… അവൾ അത് വാങ്ങി തുറന്നു നോക്കും മുൻപേ അവൻ അവിടെ നിന്ന് സ്വന്തം മുറിയിലേക്ക് പോയി… അവൾ അത് തുറന്നു നോക്കിയപ്പോൾ അവൾക്ക് ഏറ്റവും ഇഷ്ടം ഉണ്ടായിരുന്ന മഞ്ഞ പാവാടയും ഉടുപ്പും.. അവൾ അത് കൈയിൽ പിടിച്ചു കണ്ണീർ ഒഴുക്കി..
പിറ്റേ ദിവസം ന്യൂസ്‌ പേപ്പറിൽ ശ്യാമിനെ കാണാതായ എന്തെങ്കിലും വാർത്തകൾ ഉണ്ടോ എന്നു നോക്കി എങ്കിലും ഒന്നും തന്നെ കണ്ടില്ല… അവളോട് ഒരുങ്ങി നിൽക്കാൻ പറഞ്ഞു. അവൻ പുറത്ത് പൊകാൻ ഒരുങ്ങും മുൻപ് വീണ്ടും ഒരു പൊതി കൊടുത്തു. അതിൽ ഒരു സാരി ആയിരുന്നു. അവൾക്ക് ഏറ്റവും ഇഷ്ടം ഉള്ള കസവു സാരി…
അവർ നേരെ പോയത് ഒരു വുമൺസ് സ്റ്റിച്ചിങ് സെന്ററിൽ ആയിരുന്നു. ഒരുപാട് സ്ത്രീകൾ ജോലി ചെയ്യുന്ന ആ സ്ഥാപനത്തിൽ കൊണ്ട് പോയി..അവിടെ ഉള്ള അവരുടെ മാനേജർ കുട്ടന്റെ ഫ്രണ്ട് കൂടി ആയിരുന്നു.അവരുടെ വർക്ക്കളിൽ നല്ലൊരു വിഹിതം കിട്ടുന്നത് കുട്ടന്റെ കമ്പനി കൊടുക്കുന്ന ഓർഡറിൽ നിന്നാണ്…