Posted by “ചേച്ചിയുടെ അനിയത്തി തന്നെ…” ചിരിച്ചു കൊണ്ട് ജയൻ മറുപടി പറഞ്ഞു.
“ആ…ഒരു കാര്യം മറന്നു…എന്നും ചോദിക്കണം എന്ന് വിചാരിക്കും…ഈ താടിയും മുടിയും എല്ലാം എന്താ ഇങ്ങനെ…പിന്നെ ഓഫീസിൽ പോവുമ്പോൾ ഒരു വൃത്തിക് എല്ലാം പൊക്കുടേ…. ഞാൻ ഇന്റർവ്യൂ അറ്റൻഡ് ചെയ്യാൻ പോയപ്പോൾ എന്നെ ഉപദേശിക്കാൻ നല്ല മിടുക്ക് ആയിരുന്നല്ലോ….പിന്നെ വേറെ കാര്യം…പുറത്തു നിന്നുള്ള തീറ്റ ..അത് ഇനി നടക്കില്ല….ചേച്ചി ഇന്നലെ വിളിച്ചപ്പോൾ എന്നോട് പറഞ്ഞിരുന്നു…”
“അല്ല മോളെ, അത് എനിക്ക് സമയം ഇല്ലാത്ത കാരണം…”
“സമയം……ശെരി……ഇനി ജോലി കിട്ടി ഇവിടുന്നു താമസം മാറുന്ന വരെ ഇതെല്ലം ഞാൻ നോക്കാം…. ചേട്ടനെ നന്നക്കാൻ പറ്റുമോ എന്ന് ഞാൻ നോക്കട്ടെ ….പിന്നെ ഈ താടിയും മുടിയും എല്ലാം വെട്ടി എന്നെങ്കിലും ഒരു മനുഷ്യ കോലത്തിൽ കണ്ടാൽ നന്നായിരുന്നു….. വേറെ ഒരു കാര്യം നാളെ മുതൽ ഉച്ചക് ഫുഡ് കഴിക്കാൻ ഇവിടെ സമയത്തിന് എത്തണം…ജോലി കഴിഞ്ഞാലും നേരെ ഇങ്ങോട്ടു വരണം…അവിടെ സ്ഥിര താമസം ആക്കാൻ നിൽക്കരുത്…”
ശേഷം അപർണ എന്നും രാവിലെ ജയൻ ഉണരും മുൻപ് ഉണരുമായിരുന്നു.. രാവിലെ തന്നെ ഭക്ഷണം തയ്യാറാക്കി വെക്കും, ജയന്റെ വസ്ത്രമെല്ലാം അയേൺ ചെയ്തു വെക്കും, അവനു കുളിക്കാൻ ഉള്ള എണ്ണയും ടവ്വലും വരെ അവൾ റെഡി ആക്കി വെക്കും. ആദ്യമെല്ലാം ജയൻ ഇതിനെല്ലാം എതിര് പറഞ്ഞിരുന്നെങ്കിലും പയ്യെ പയ്യെ അവളുടെ ഈ പ്രവർത്തികൾ എല്ലാം അവൻ എന്ജോയ് ചെയ്യാൻ തുടങ്ങി.
ജോലിക് ശേഷം തന്നോട് സംസാരിക്കാനും കൂടെ സമയം ചിലവഴിക്കാനും ഒരാളെ കിട്ടിയപ്പോൾ ജയന്റെ സ്വഭാവത്തിലും ചില മാറ്റങ്ങൾ വന്നു തുടങ്ങി. അവളുടെ സാമീപ്യം അയാളുടെ ജീവിത രീതിയിലും വസ്ത്ര ധാരണത്തിലും സ്വഭാവത്തിലുമെല്ലാം സ്വാധീനം ചെലുത്താൻ തുടങ്ങിയിരുന്നു. പണ്ട് ഓഫീസിൽ സമയം കഴിഞ്ഞാലും അവിടെ തന്നെ ജോലിയുമായി തുടർന്നിരുന്ന ജയൻ ഇപ്പോൾ ഓഫീസിൽ നിന്നും പലപ്പോഴും ആയി നേരത്തെ ഇറങ്ങുന്നത് പതിവായി. തന്നിൽ നിന്നും അകന്നു കഴിയുന്ന ഭാര്യയുടെ അതെ രീതിയിൽ തന്റെ കാര്യങ്ങൾ എല്ലാം നോക്കുന്ന അപർണയിൽ അയാൾ തന്റെ ഭാര്യയെ തന്നെ കണ്ടു തുടങ്ങിയിരുന്നു. തന്റെ ചെറിയ ലോകത്തേക് പയ്യെ പയ്യെ അവളും കടന്നു വരുന്നതായി അവൻ മനസ്സിലാക്കി. അപർണയോട് ഒരു അനിയത്തി എന്ന നിലയിലുള്ള ഇഷ്ട്ടത്തിനു അതീതമായി എന്തോ ഒരു താല്പര്യം അവനിൽ വളരാൻ ആരംഭിച്ചിരുന്നു.